विराट कोहलीचे आपल्या बायकोसाठी असलेले प्रेम साऱ्या जगाला माहित आहे. तो या ना त्या मार्गाने त्याचे अनुष्कावर असलेले प्रेम नेहमीच दाखवत असतो. आताही त्याने अनुष्कासाठीचे त्याच्या मनातील प्रेम अख्या जगाला हटके पद्धतीने दाखवले आहे. काही दिवसांपूर्वी अनुष्काचा परी हा सिनेमा प्रदर्शित झाला होता. या सिनेमानिमित्तही विराटने तिचे भरभरून कौतुक केले होते. विराटने तिच्या कौतुकासाठी एक इन्स्टाग्राम पोस्टही लिहिली होती. तर अनुष्काही सध्या विराटला पाठिंबा दर्शवण्यासाठी त्याचे अनेक आयपीएलचे सामने मैदानात जाऊन पाहते. मैदानात सामना पाहताना ती विराटला त्याच्या उत्तम कामगिरीसाठी फ्लाइंग किस देतानाही दिसते. आता विराटने पुन्हा एकदा अनुष्कासाठी एक इन्स्टाग्राम पोस्ट लिहिली आहे. इन्स्टाग्रामवर त्याने दोघांचा फोटो शेअर करत म्हटले की, 'सच अ स्टनर माय लव ऑफ माय लाइफ। @अनुष्का'. विराटच्या या कॅप्शनवर अनेकांनी कमेंट द्यायला सुरूवात केल्या. अनेकांनी कमेंटमध्ये हेच लिहिले की, वा.. काय प्रेम आहे. तर काहींनी विराटची मस्करी करण्याचाही प्रयत्न केला. काहींनी त्याला अनुष्कावरुन लक्ष काढून क्रिकेटवर लक्ष केंद्रीत करण्याचा सल्ला दिला. एका युझरने लिहिले की, भावा एवढं प्रेम आरसीबीवरही कर. दरम्यान, विराटने आयपीएलच्या या हंगामात २०१ धावा करत अव्वल स्थान गाठले आहे. कोहलीने, मी सर्व प्रकारच्या खेळात उत्तम फलंदाजी करु शकतो परंतू डिव्हिलियर्ससारखे फटके खेळू शकत नसल्याचे सांगितले. या आधी डिव्हिलियर्सने विराटचे कौतुक केले असून सध्याच्या क्रिकेट विश्वातील विराट कोहलीहा सर्वोत्तम फलंदाज असल्याचे म्हटले आहे. २०११ पासून कोहली आणि डिव्हिलियर्स आरसीबीसाठी एकत्र खेळत आहे. आयपीएलच्या इतिहासात या दोन्ही स्टार क्रिकेटपटूंनी आपल्या फलंदाजीने क्रिकेट चाहत्यांना अनेक आनंदाचे क्षण दिले आहेत. आयपीएलमध्ये कोहली आणि डिव्हिलियर्सने दोनवेळा दोनशे धावांची भागीदारी केली आहे. ट्वेंटी-ट्वेंटी क्रिकेटमध्ये अशी विक्रमी भागिदारी करणारी जगातील ही एकमेव जोडी आहे.
