खासकरुन अॅक्शन सीनसाठी ओळखला जाणारा अभिनेता म्हणजे टायगर श्रॉफ. बऱ्याच वेळा टायगर त्याच्या अॅक्शन सीनसोबतच फिटनेसमुळेदेखील चर्चेत असतो. बऱ्याच वेळा तो सोशल मीडियावर त्याचे वर्कआऊटचे काही फोटो किंवा व्हिडीओ शेअर करत असतो. अलिकडेच त्याने पुलअप्स करतानाचा एक व्हिडीओ इन्स्टाग्रामवर शेअर केला आहे. टायगरने शेअर केलेल्या व्हिडीओमध्ये तो पुलअप्स करताना दिसत आहे. विशेष म्हणजे फिट राहण्यासाठी टायगर विशेष मेहनत करत असल्याचं या व्हिडीओवरुन लक्षात येत आहे. त्यामुळे सध्या अनेक जण त्याच्या या मेहनतीचं कौतूक करत आहे. View this post on Instagram A post shared by Tiger Shroff (@tigerjackieshroff) on Oct 21, 2020 at 1:46am PDT दरम्यान, टायगर सोशल मीडियावर मोठ्या प्रमाणावर सक्रीय असून तो कायम चाहत्यांच्या संपर्कात राहण्याचा प्रयत्न करत असतो. अलिकडेच त्यांचं अनबिलिव्हेबल हे गाणं प्रेक्षकांच्या भेटीला आलं. टायगर लवकरच हिरोपंती २ या चित्रपटात झळकणार आहे. यापूर्वी त्याने 'हिरोपंती' या चित्रपटाच्या माध्यमातून २०१४ मध्ये कलाविश्वात पदार्पण केलं. त्यानंतर तो ‘बागी’, ‘वॉर’,’मुन्ना मायकल’, ‘स्टुडंट ऑफ द इयर 2’, अशा काही चित्रपटांमध्ये झळकला आहे.
