कंगना रणावतची प्रमुख भूमिका असलेल्या 'क्वीन' चित्रपटाचा ट्रेलर प्रदर्शित झाला आहे. राणी या पात्राची भूमिका कंगनाने साकारली आहे. एक चुलबुली पण साध्या मुलीची भूमिका कंगनाने केली आहे. लग्नानंतर एकटीच हनीमूनला गेलेल्या राणीचा प्रवास चित्रपटात चित्रीत करण्यात आला आहे. परदेशात हनीमूनला गेल्यावर समोर आलेल्या कठीण प्रसंगाना ती कशी सामोरे जाते हे यात पाहावयास मिळणार आहे. ‘काय पो छे’ आणि ‘शहीद’फेम राजकुमार यादव आणि सुपर मॉडेल लिजा हेडन यांच्याही चित्रपटात प्रमुख भूमिका आहेत. विकास बहल दिग्दर्शित 'क्वीन' पुढील वर्षी २८ फेब्रुवारीला प्रदर्शित होणार आहे.
