मनिष मल्होत्राची भाची रिद्धीने सोमवारी तेजस तळवलकरसह विवाह केला. हा विवासोहळा संपन्न होण्यापूर्वी संगीत आणि मेहंदी सोहळ्यात बॉलीवूड सेलिब्रेटींनी हजेरी लावली होती. यावेळी, बॉलीवूड दिवा करिना कपूरनेही ठुमके लावले. सदर व्हिडिओत डिझायनर मनिष मल्होत्रा, करण जोहर आणि करिना हे मिका सिंगच्या गाण्यावर नाचताना दिसतात. विशेष म्हणजे मिका सिंगने 'जब वी मेट'मधील 'मौजा ही मौजा' हे गाणे गायले. त्यामुळे करिना ही थोडी हडबडली. पण तीने ही वेळ कशीबशी सावरून घेतली. या चित्रपटात करिनाने तिचा पूर्वाश्रमीचा प्रियकर शाहिद कपूरसह काम केले होते. त्यामुळे मिकाने गाण्यास सुरुवात करताच तिला अवघडल्यासारखे झाले. मात्र, करण जोहर आणि मनिष मल्होत्रा हे दोघेही गाण्यावर जोरदार थिरकले.
