बॉलिवूडमधील अभिनेता अक्षय कुमार आणि ट्विंकल खन्ना हे सर्वांचे लाडके कपल आहेत. त्या दोघांविषयी जाणून घ्यायला चाहते फार उत्सुक असताता. सध्या सोशल मीडियावर त्यांच्या एक जुना व्हिडीओ व्हायरल झाला आहे. या व्हिडीओमध्ये ट्विंकलने एकदा अक्षय तिचा वाढदिवस विसलरला असल्याचे म्हटले आहे. तसेच त्याने दिलेल्या गिफ्टचा देखील उल्लेख केला आहे.

सध्या सोशल मीडियावर व्हायरल होत असलेला अक्षय कुमार आणि ट्विंकल खन्नाचा व्हिडीओ ‘कॉफी विथ करण’ या शोमधील आहे. ‘जेव्हा आम्ही पहिले एकमेकांना डेट करत होतो तेव्हा माझ्या वाढदिवशी अक्षयने मला क्रिस्टल पेपरवेट गिफ्ट म्हणून दिले होते. एक पेपरवेट! मला नाही माहित अक्षयने काय विचार करुन मला ते गिफ्ट दिले होते’ असे ट्विंकलने म्हटले होते.

त्यानंतर अक्षय ट्विंकलला उत्तर देतो. ‘खरं तर मी ट्विंकलचा वाढदिवस विसरलो होतो. पण जेव्हा लक्षात आले की ट्विंकलचा वाढदिवस आहे तेव्हा गिफ्ट आणायला जायला माझ्याकडे वेळ नव्हता. पेपरवेट माझ्या घरातच होते. मी त्याला लगेच रॅप केले आणि तिला गिफ्ट म्हणून दिले’ असे अक्षय म्हणाला. त्यानंतर भविष्यात त्याच पेपर वेटच्या वजना इतका मोठा डायमंड अक्षयकडून घ्यायचा असे ट्विंकलने ठकरवले होते.