जय मल्हार या मालिकेत खंडोबाची व्यक्तिरेखा साकारत अभिनेता देवदत्त नागे प्रसिद्धीच्या शिखरावर पोहोचला. हा मराठमोळा अभिनेता आता बॉलिवूडमध्ये दमदार पदार्पण करत आहे. जॉन अब्राहमच्या आगामी ‘सत्यमेव जयते’ या चित्रपटात तो भूमिका साकारत आहे. विशेष म्हणजे, तो यामध्ये खलनायकाच्या भूमिकेत झळकणार असून ट्रेलरमध्ये त्याची एक झलकसुद्धा पाहायला मिळाली. त्यामुळे देवदत्तच्या भूमिकेविषयी आणि बॉलिवूड पदार्पणाविषयी चाहत्यांमध्ये फारच उत्सुकता निर्माण झाली आहे. या चित्रपटाच्या शूटिंगदरम्यानचा एक रंजक किस्सा त्याने सांगितला आहे.

देवदत्तने साकारलेली खंडोबाची व्यक्तिरेखा खूप प्रसिद्ध आहे. या व्यक्तिरेखेमुळे तो घराघरात पोहोचला आणि या प्रसिद्धीची प्रचिती त्याला शूटिंगदरम्यानसुद्धा आली. यासंदर्भातील एक किस्सा त्याने सांगितला. ‘शूटिंग पाहण्यासाठी आलेले लोक चक्क सेटवर देवदत्तच्या पाया पडायचे आणि हे पाहून जॉन अब्राहम आणि दिग्दर्शक सुद्धा चक्रावून जायचे. मी साकारलेल्या खंडोबाच्या भूमिकेचा प्रभाव लोकांवर इतका आहे की ते साक्षात देवच समजून पाया पडायला यायचे. इतकंच नाही तर या चित्रपटात मी खलनायकाची भूमिका साकारत आहे आणि जॉन एका महिलेला मला कानाखाली मारण्यास सांगत असतो असं दृश्य त्यात आहे. ती महिलासुद्धा माझ्या खंडोबाच्या भूमिकेनं इतकी प्रभावित झाली होती की मला मारण्यासच तयार होत नव्हती. अखेर मी तिला समजावून सांगितलं. तू कलाकार नाही तर मी साकारणाऱ्या भूमिकेचा विचार कर आणि अभिनय कर असा सल्ला मी तिला दिला. बराच वेळ तिला समजावून सांगितल्यानंतर तो सीन करण्यास ती तयार झाली,’ असं तो म्हणाला. सहकलाकार जॉनसोबत काम करण्याचा अनुभव अत्यंत अनोखा असून आमच्या बऱ्याच आवडीनिवडी सारख्याच आहेत, असंदेखील तो म्हणतो.

shehzad-khan-speaks-about-ajit
“माझे वडील गटारात झोपायचे…”, बॉलिवूडचा कपटी खलनायक अजित यांच्या मुलाचा मोठा खुलासा
Kangana Ranaut
चित्रपटसृष्टीने आपल्याला अनेकदा अपमानित केले, कंगना राणावतचा न्यायालयात दावा
sanjay-dutt-salman-khan
जेव्हा संजय दत्त व सलमान खान यांना घेऊन बनणार होती एक गे लव्हस्टोरी…; किस्सा जाणून घ्या
aamir-khan2
ठरलं! ‘या’ चित्रपटातून आमिर खान करणार दमदार कमबॅक; प्रदर्शनाबद्दल मिस्टर परफेक्शनिस्टचा खुलासा

देवदत्त नागेसोबतच यामध्ये अमृता खानविलकरसुद्धा झळकणार आहे. १५ ऑगस्ट रोजी ‘सत्यमेव जयते’ हा चित्रपट प्रेक्षकांच्या भेटीला येत आहे. देवदत्त नागेच्या या चित्रपटाविषयी त्याच्या चाहत्यांमध्येही फार उत्सुकता आहे.