अभिनेत्री ट्विंकल खन्ना सध्या चित्रपटांमध्ये जरी झळकत नसली तरी नेहमीच ती कुठल्या ना कुठल्या कारणाने चर्चेत असते. तिच्या परखड मतांमुळे आणि वक्तव्यांमुळे सोशल मीडियावर तिची बरीच चर्चा होते. याच वक्तव्यांमुळे तिचे स्टारडम अजूनही कायम आहे. ट्विंकल रिअल लाइफमध्ये तापट स्वभावाची आहे. याच स्वभावामुळे तिने एका खेळण्याच्या दुकानदाराला २८० रुपयांवरून सुनावलं होतं. २००७ मधला हा किस्सा आहे. ट्विंकल मुंबईतील जुहू इथल्या एका खेळण्यांच्या दुकानाजवळ उभी होती. याच वेळी दुकानात एक चार वर्षांचा मुलगा आला आणि दुकानातील खेळण्यांविषयी तो दुकानदाराला विचारू लागला. त्या दुकानदारानेही कौतुकाने मुलाला कोणतं खेळणं आवडलं असा प्रश्न विचारला. त्या मुलाने एका खेळण्याकडे बोट दाखवलं. तेव्हा दुकानदाराने मुलाकडून पैसे न घेता ते खेळणं त्याला भेट म्हणून दिलं. वाचा : कमाल आर खान ट्विटरविरोधात कोर्टात जाणार दुकानाजवळ उभी असलेली ट्विंकल हे सर्व पाहत होती. तो मुलगा खेळणी घेऊन निघून गेल्यानंतर ट्विंकल त्या दुकानात गेली. 'तू ज्या मुलाला ते खेळणं दिलं त्याची किंमत काय होती,' असा प्रश्न तिने दुकानदाराला विचारला. त्याने २८० रुपये असं उत्तर देताच ट्विंकलचा पारा चढला. '२८० रुपये कमावण्यासाठी किती मेहनत करावी लागते हे तुम्हाला माहित आहे का?,' अशा शब्दांत तिने दुकानदाराला सुनावलं. हे ऐकून तो दुकानदार निरुत्तर झाला.
