हॉलिवूडचा प्रसिद्ध आणि यशस्वी अभिनेता विल स्मिथने अनेकदा बॉलिवूड चित्रपटांबद्दल त्याचे प्रेम व्यक्त केले. आता त्याचा मुलगा जेडन स्मिथने बॉलिवूड चित्रपटांमध्ये भूमिका साकारण्याची इच्छा व्यक्त केली आहे. जेडनने ट्विटरवरून बॉलिवूडमध्ये काम करण्याची इच्छा व्यक्त केली. त्यानंतर ट्विटरवर विविध मजेशीर मीम्सचा ओघ सुरु झाला. काही गाजलेल्या बॉलिवूड चित्रपटांचे पोस्टर एडीट करत त्यामध्ये जेडनचा फोटो वापरून गमतीशीर मीम्स तयार करण्यात आले. सोशल मीडियावर हे मीम्स जोरदार व्हायरल होत आहेत. I Wanna Be In A Bollywood Movie — Jaden Smith (@officialjaden) December 27, 2017 'दंगल', 'बाहुबली', 'कभी खुशी कभी गम', 'ओम शांती ओम' यांसारख्या चित्रपटांचे हे मजेशीर पोस्टर्स पाहायला मिळत आहेत. अभिनेता, गायक आणि रॅपर म्हणून जेडन हॉलिवूडमध्ये प्रसिद्ध आहे. या १९ वर्षीय अभिनेत्याचा चाहतावर्गही मोठा आहे. २००६ मध्ये प्रदर्शित झालेल्या 'द पर्स्यूट ऑफ हॅपिनेस' या हॉलिवूड चित्रपटात त्याने पहिल्यांदा भूमिका साकारली होती. त्यावेळी तो अवघ्या ८ वर्षांचा होता. Say no more pic.twitter.com/6TD17HK4kV — Saba Hussain (@SabaHussain_) December 27, 2017 Well.. why so serious pic.twitter.com/EaMyj4z4aq — No one (@sanmistryious) December 27, 2017