दिग्दर्शक एस.एस.राजामौली यांच्या ‘बाहुबली : द बिगनिंग’ आणि ‘बाहुबली : द कन्क्लुजन’ या चित्रपटांमुळे अभिनेता प्रभासच्या आयुष्याला कलाटणी मिळाली. लाखो तरुणींच्या गळ्यातील ताईत असलेला प्रभास ‘मोस्ट एलिजिबल बॅचलर’ आहे यात काही शंकाच नाही. या चित्रपटांच्या यशानंतर त्याला अनेकांनी लग्नासाठी विचारल्याचं म्हटलं जातं. तर त्याची कथित प्रेयसी आणि ‘बाहुबली २’ चित्रपटातील सहकलाकार अनुष्का शेट्टीशी तो लग्नबंधनात अडकणार असल्याच्याही बऱ्याच चर्चा झाल्या. या ‘मोस्ट एलिजिबल बॅचलर’ला आता प्रसिद्ध मॅट्रिमोनियल वेबसाइट्सनी त्यांच्या प्रमोशनासाठी विचारणा केल्याची माहिती समोर येत आहे.

दोन मॅट्रिमोनियल वेबसाइट्सनी प्रभासला यासंदर्भात विचारले असून यासाठी भरभक्कम मानधनही देऊ केले आहे. मात्र, प्रभासने अद्यापपर्यंत या प्रस्तावाला होकार दिलेला नाही.

विराट- अनुष्काच्या लग्नातील रणबीर कपूरचा फोटो पाहिलात का?

प्रभास सध्या त्याच्या आगामी ‘साहो’ या चित्रपटाच्या शूटिंगमध्ये व्यग्र आहे. त्याच्या वाढदिवशी चित्रपटाचा फर्स्ट लूक प्रदर्शित झाला होता. पुढील वर्षी हा चित्रपट प्रेक्षकांच्या भेटीला येणार आहे. यामध्ये बॉलिवूड अभिनेत्री श्रद्धा कपूर, नील नितीन मुकेश यांच्याही महत्त्वपूर्ण भूमिका आहेत.

https://www.instagram.com/p/BcWMtR0lkWK/