वंडर वूमन १९८४ हा वर्षातील सर्वात मोठ्या चित्रपटांपैकी एक म्हणून चर्चेत आहे. करोना विषाणूच्या वाढत्या संक्रमणामुळे हा सुपरहिरोपट चार वेळा लांबणीवर गेला. परंतु अखेर येत्या २५ डिसेंबरला जगभरातील सिनेमागृहांमध्ये हा बहुप्रतिक्षित चित्रपट प्रदर्शित होणार आहे. दरम्यान या चित्रपटाची उत्कंठा आणखी वाढवण्यासाठी निर्मात्यांनी वंडर वूमन १९८४ चा ओपनिंग सीन ऑनलाईन प्रदर्शित केला आहे.

अवश्य पाहा – अरे बापरे… ही अभिनेत्री एका फोटोशूटसाठी घेते २०० कोटी

वंडर वूमन १९८४ मध्ये अभिनेत्री गॅल गेडॉट हिने मुख्य व्यक्तिरेखा साकारली आहे. ऑनलाईन प्रदर्शित झालेल्या या चित्रपटाच्या ओपनिंग सीनमध्ये वंडर वूमनचं बालपण थोडक्यात दाखवण्यात आलं आहे. वंडर वुमन अर्थात डाएना प्रिंस लहानपणापासून शूर योद्धा असते. युद्धकलेत निपूण असलेली डाएना सुपरहिरो वंडर वूमन कशी होते? हे थोडक्यात या तीन मिनिटांच्या व्हिडीओमध्ये दाखवण्यात आलं आहे. या चित्रपटामध्ये १३ वर्षीय अभिनेत्री लिली एस्पेल हिने वंडर वूमनच्या बालपणीची भूमिका साकारली आहे. तिने या व्हिडीमध्ये केलेले स्टंट पाहून चाहते देखील अवाक झाले आहेत.

अवश्य पाहा – हे घर आहे की शहर… पाहा मायकल जॅक्सनचा अब्जावधींचा महाल

अवश्य पाहा – ड्रग्जवरुन ट्रोल करणाऱ्यांना अभिनेत्रीचं खुलं आव्हान; सिद्ध करा अन्…

‘वंडर वुमन १९८४’ हा एक फिमेल सुपरहिरो चित्रपट आहे. या चित्रपटाचा पहिला भाग ‘वंडर वुमन’ २०१७ मध्ये प्रदर्शित झाला होता. या चित्रपटात अभिनेत्री गल गडॉट हिने प्रमुख व्यक्तिरेखा साकारली होती. तिच्या जबरदस्त अ‍ॅक्शन आणि अफलातून अभिनयामुळे हा चित्रपट सुपरहिट ठरला होता. या चित्रपटाने जवळपास ५०० कोटी रुपयांची कमाई केली होती. त्यामुळे प्रेक्षकांच्या आग्रहास्तव ‘वंडर वुमन’चा दुसरा भाग तयार करण्यात आला आहे.