अभिनेता सुशांत सिंह राजपूत मृत्यू प्रकरणाच्या चौकशीत 'बॉलिवूड ड्रग्ज प्रकरण' समोर आलं आहे. अंमली पदार्थ विरोधी पथकाद्वारे या प्रकरणाची चौकशी सुरु आहे. लक्षवेधी बाब म्हणजे या चौकशीदरम्यान सारा अली खान, रकुल प्रित सिंह, सिमोन खंबाटा, श्रद्धा कपूर, नम्रता शिरोडकर, दीपिका पदुकोण, दिया मिर्झा यांसारख्या अनेक नामांकित कलाकारांची नावं समोर आली. या यादीत आता टीव्ही अभिनेत्री अबिगल पांडे आणि तिचा बॉयफ्रेंड सनम जोहर यांचं देखील नाव जोडलं गेलं आहे. टाईम्स ऑफ इंडियाने दिलेल्या वृत्तानुसार या दोघांना एनसीबीने समन्स पाठवले आहे. अवश्य पाहा - पतीला घटस्फोट देऊन ही अभिनेत्री राहतेय बॉबी देओलच्या घरात अबिगल आणि सनम यांची सुशांतसोबत खुप चांगली मैत्री होती. हे दोघंही अंमली पदार्थांच सेवन करतात असा संशय एनसीबीला आहे. त्यामुळे त्यांना चौकशीसाठी बोलावण्यात आलं आहे. दरम्यान सुशांत प्रकरणाशी त्यांचा काही संबंध आहे का? याची चौकशी देखील केली जाणार आहे. अवश्य पाहा - "इंटिमेट सीन शूट करण्यापूर्वी अनुरागने मला खोलीत बोलावलं", अन्.; अभिनेत्रीचा खुलासा नार्कोटिक्स कंट्रोल ब्यूरोद्वारे (एनसीबी) सुरू असलेल्या ड्रग्ज प्रकरणाच्या तपासादरम्यान D N S K (D म्हणजे दीपिका पदुकोण, N म्हणजे नम्रता शिरोडकर, S म्हणजे श्रद्धा कपूर आणि K म्हणजे करिश्मा) ही नावं समोर आली आहेत. एनसीबीच्या एक व्हॉट्सअॅप चॅट मिळालं आहे. यामध्ये ड्रग्जच्या खरेदी-विक्रीची चर्चा केली जात असल्याचं समोर आलं आहे. एनसीबीकडून करण्यात आलेल्या चौकशीदरम्यान मोठे गौप्यस्फोट करण्यात आले. श्रद्धा कपूरशिवाय यामध्ये तीन अन्य अभिनेत्रींची ड्रग चॅटही समोर आली आहेत. जया साहाच्या केलेल्या चौकशीदरम्यान एनसीबीनं चॅटवरील माहितीवरून ती सेलिब्रिटींसाठी सीबीडी ऑईल कुठून मागवते याची विचारणा केली. तसंच चॅटमधील अमित आणि SLB या नावांबद्दलही चौकशी केली. जयाच्या मोबाईलमधीड परत मिळवण्यात आलेल्या डेटामधून आणखी एक गौप्यस्फोटही झाला आहे.
