दाक्षिणात्य अभिनेता विजय देवरकोंडा ‘लाइगर’ या चित्रपटातून हिंदीमध्ये पदार्पण करत आहे. करण जोहरच्या धर्मा प्रोडक्शनच्या खाली बनलेल्या या चित्रपटात विजयबरोबर अभिनेत्री अनन्या पांडेदेखील मुख्य भूमिकेत दिसणार आहे. या चित्रपटाच्या विरोधातसुद्धा बॉयकॉट ट्रेंड सुरू आहे. याच चित्रपटाचा प्रमोशनसाठी विजय आणि अनन्या वेगवेगळ्या ठिकाणी फिरत आहेत, भरपूर मुलाखती देत आहेत. नुकतंच त्यांनी एका डान्स रीयालिटि शोमध्ये प्रमोशनसाठी हजेरी लावली होती.

या कार्यक्रमात विजयला त्याची क्रश कोण आहे यासंदर्भात प्रश्न विचारला गेला. तेव्हा विजय देवरकोंडाने चक्क २ मराठमोळ्या अभिनेत्रींची नावं घेतली. विजय म्हणाला “मी उर्मिला मातोंडकर आणि भाग्यश्री यांचा खूप मोठा फॅन आहे. मी लहानपणापासून आत्ता पर्यंत त्यांचा प्रत्येक चित्रपट अगदी आवडीने पाहिला आहे. लहानपणी माझा त्यांच्यावर क्रश होता, किंबहुना अजूनही आहेच.”

devendra fadanvis
उपमुख्यमंत्री फडणवीस यांना समाज माध्यमांवर ठार मारण्याची धमकी; चित्रफीत शेअर करणाऱ्याला अटक
Sita & Akbar: How names of two lions became the reason for a plea in Calcutta High Court
अकबराची बहीण लक्ष्मी? अकबर, सीता, तेंडुलकर आदी नावं प्राण्यांना द्यायची पद्धत कशी पडली?
santhan rajiv gandhi case convict
राजीव गांधी हत्या प्रकरणातील दोषीचा सुटकेनंतर दोन वर्षांनी मृत्यू; आरोपी संथन कोण होता?
Kangana Ranaut
चित्रपटसृष्टीने आपल्याला अनेकदा अपमानित केले, कंगना राणावतचा न्यायालयात दावा

याच डान्स रीयालिटि शोमध्ये उर्मिला आणि भाग्यश्री या दोघी समोर बसल्या होत्या. रेमो डिसूझा याच्या डान्स शोमध्ये विजयने ही कबुली दिली. शिवाय विजयने रेमोचेसुद्धा तोंडभरून कौतुक केले. विजय म्हणतो “मी रेमोचाही खूप मोठा चाहता आहे. त्याच्या ‘बदतमीज़ दिल’ गाण्यामधली कोरिओग्राफी पाहून मला या माणसाला भेटायची उत्सुकता आणखीनच वाढली”

आणखीन वाचा : “आपला धर्म…” ‘बॉयकॉट लाइगर’च्या ट्रेंडवर विजय देवरकोंडाचे स्पष्ट विधान

नुकतंच विजयने आमिर खानच्या चित्रपटाला पाठिंबा दिल्याने त्याच्यावर बरेच प्रेक्षक नाराज आहेत. यामुळेच ‘बॉयकॉट लाइगर’ हा ट्रेंडसुद्धा प्रचंड व्हायरल होत आहे. ‘लाईगर’ २५ ऑगस्ट रोजी चित्रपटगृहात प्रदर्शित होणार आहे. विजय देवरकोंडाने ‘अर्जुन रेड्डी’, ‘डियर कॉमरेड’ अशा वेगवेगळ्या चित्रपटातून स्वतःची छाप चित्रपटसृष्टीवर सोडली आहे.