scorecardresearch

सुष्मिता सेनचा भाऊ लग्नानंतर ३ वर्षांतच घेणार घटस्फोट, मुलीच्या जन्मानंतर पती-पत्नीमध्ये दुरावा?

सुष्मिता सेनचा भाऊ राजीव आणि पत्नी चारु असोपा एकमेकांपासून विभक्त होणार असल्याची सध्या चर्चा सुरु आहे.

charu asopa, rajeev sen, sushmita sen, yeh rishta kya kehlata hai, mere angne mein, Hindi News,
सुष्मिता सेनचा भाऊ राजीव आणि पत्नी चारु असोपा एकमेकांपासून विभक्त होणार असल्याची सध्या चर्चा सुरु आहे.

अभिनेत्री सुष्मिता सेनचा भाऊ राजीव सेनने (Rajeev Sen) २०१९मध्ये अभिनेत्री चारु असोपा (Charu Asopa) हिच्याशी लग्न केलं. अगदी थाटामाटात या दोघांचा विवाहसोहळा पार पडला. आता राजीव-चारु लवकरच विभक्त होणार असल्याच्या चर्चांना उधाण आलं आहे. दोघांनी हा निर्णय का घेतला? हे अद्यापही स्पष्ट झालेलं नाही. पण दोघं लवकरच घटस्फोट घेणार असल्याचं बोललं जात आहे.

आणखी वाचा – VIDEO : धारावीच्या गल्लीत फिरणाऱ्या सुनील शेट्टीचं नेटकऱ्यांना कौतुक, म्हणाले, “याला बॉडीगार्डची गरजच नाही कारण…”

‘ये रिश्ता क्या कहलता है’, ‘मेरे अंगने में’ या हिंदी मालिकांमुळे चारु नावारुपाला आली. तिने राजीवशी लग्न करत आपल्या नवीन आयुष्याला सुरुवात केली. पण आता दोघांमध्ये सतत वाद होत असल्याचं समोर आलं आहे. ई टाइम्सच्या वृत्तानुसार, चारु आणि राजीवमध्ये सध्या वाद सुरु आहेत. गेल्या काही दिवसांपासून दोघांमध्ये मतभेद होत आहेत. शिवाय वाद बाजूला करत आपलं नातं टिकवण्याचा चारु-राजीवने प्रयत्न केला.

पण प्रत्यक्षात तसं काहीच घडलं नाही. इतकंच नव्हे तर दोन्ही कुटुंबियांनी चारु-राजीवमधील वाद मिटवण्याचा प्रयत्न केला. मात्र त्यांच्या प्रयत्नांना देखील अपयश आलं. दोघांनी बहुदा कायदेशीररित्या घटस्फोट घेण्याचा निर्णय घेतला आहे. सेन कुटुंबियांना देखील त्यांचा हा निर्णय ऐकून धक्का बसला असल्याचं बोललं जात आहे.

आणखी वाचा – ‘धर्मवीर’मध्ये एकनाथ शिंदे यांची भूमिका साकारणाऱ्या अभिनेत्याचा संताप, म्हणाला, “राजकीय घडामोडी सुरु असताना…”

चारु-राजीवला सात महिन्यांची झियाना नावाची गोंडस मुलगी देखील आहे. मुलीच्या जन्मानंतर देखील या दोघांमध्ये वाद हे सुरुच राहिले. इन्स्टाग्रमावर चारु आपल्या पतीला फॉलो देखील करत नाही. इतकंच नव्हे तर तिने राजीवबरोबरचे फोटो देखील इन्स्टाग्राम अकाऊंटवरुन डिलीट केले आहेत. याबाबत सध्यातरी राजीव-चारुने मौन पाळणंच पसंत केलं आहे.

मराठीतील सर्व मनोरंजन ( Manoranjan ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Actress sushmita sen brother rajeev sen and her wife charu asopa separation rumours see more details kmd

ताज्या बातम्या