बॉलिवूड अभिनेता चंकी पांडेची वाढदिवसाच्या पार्टीची चर्चा सध्या सगळीकडे होताना दिसून येत आहे. चंकी पांडेची लेक अनन्या पांडे बॉलिवूडमध्ये सक्रिय आहे. अनन्याने चित्रपटसृष्टीत पाऊल ठेवल्यापासून तिच्याकडे अनेक चित्रपटांच्या ऑफर्स येत होत्या. परंतु तिने काम केलेला एकही चित्रपट फारशी चांगली कामगिरी करू शकला नाही. तर काही दिवसांपूर्वी प्रदर्शित झालेला तिचा ‘लाइगर’ हा चित्रपट बॉक्स ऑफिसवर चांगलाच आपटला. अनन्या पांडे सोशल मीडियावरदेखील नेटकऱ्यांच्या रडारवर असते. तिची वक्तव्ये, तिची फॅशन, तिचे चित्रपट मोठ्या प्रमाणावर ट्रोल केले जातात. अनन्या पांडेचे नवे फोटो आणि व्हिडिओ सोशल मीडियावर वेगाने व्हायरल होत आहेत, ज्यामध्ये तिची उंची पाहून सगळेच हैराण झाले आहेत. व्हायरल झालेल्या व्हिडिओमध्ये अनन्या पांडे काळ्या रंगाचा पोशाख परिधान करताना दिसत आहे. व्हिडिओमध्ये अनन्या तिच्या उंचीपेक्षा अधिक उंच दिसत आहे. अनन्या पांडेची उंची बघून, तिने किती हाय हिल्स घातल्या असतील याची कल्पना येऊ शकते. त्याला या अवतारात पाहून तिथले सगळेच आश्चर्यचकित झाले. विजय सेतूपतीशी तुलना केल्यावर हृतिक म्हणाला, “दिग्दर्शकाच्या मनात… “ अनन्याचा हा व्हिडिओ सोशल मीडियावर येताच व्हायरल झाला आणि व्हायरल होताच लोकांनी तिच्या लूकची खिल्ली उडवली. लोकांनी या व्हिडीओवर अनेक मजेशीर कमेंट्स केल्या आहेत. एका यूजरने व्हिडिओच्या कमेंटमध्ये लिहिले, 'हाहाहा सर्कसमधला माणूस'. एकाने लिहले आहे 'कदाचित सर्कसमध्ये काम करण्याची तयारी करत आहे'. एकाने लिहले आहे 'इतकी उंची फक्त सर्कशीतील माणसाची असते'. अनन्या आता आपल्याला वेबसिरीजमधून दिसणार आहे. धर्मा प्रोडक्शन त्याच्या धर्मेटिक एंटरटेनमेंट या बॅनरखाली ‘कॉल मी बे’ या नावाची वेब सिरीज घेऊन येत आहे. ही सिरीज अॅमेझॉन प्राईम व्हिडीओवर प्रदर्शित होणार आहे. एका मीडिया रिपोर्ट्सनुसार, ‘दोस्ताना २’ चे दिग्दर्शक कॉलिन डी’कुन्हा या सिरिजचे दिग्दर्शन करणार आहेत असेही बोलले जात आहे.
