‘मनिष पॉलने…’, मुलाच्या निधनानंतर राजीव निगम यांचे वक्तव्य

त्यांनी एका मुलाखतीमध्ये वक्तव्य केले आहे.

आपल्या अभिनयाने आणि विनोदाने प्रेक्षकांना हसवणारे कॉमेडियन राजीव निगम यांच्या मुलाचे काही दिवसांपूर्वी निधन झाले. राजीव यांच्या वाढदिवशीच त्यांच्या मुलाचे निधन झाल्याचे त्यांनी एका सोशल मीडिया पोस्टद्वारे सांगितले. आता राजीव यांनी एका मुलाखतीमध्ये इंडस्ट्रीमधील लोकांपैकी फक्त मनिष पॉलने मदत केली असल्याचे म्हटले आहे.

नुकतीच राजीव यांनी ‘मिड डे’ला मुलाखत दिली. या मुलाखतीमध्ये त्यांनी त्यांच्या कठिण काळाविषयी वक्तव्य केले आहे. ‘खरे सांगायचे झाले तर माझ्या कठिण काळात इंडस्ट्रीमधील मनिष पॉल सोडून इतर कोणीही मला मदत केली नाही. मनिषने मला केवळ आर्थिक मदतच नाही तर मानसिक आधार देखील दिला’ असे राजीव यांनी म्हटले.

राजीव निगम यांचा मुलगा देवराजचे ८ नोव्हेंबर २०२० रोजी निधन झाले आहे. त्यावेळी त्यांनी सोशल मीडियावर मुलासोबतचा फोटो शेअर करत ‘वाढदिवशी अशी भेट कोणी देतं का? माझा मुलगा देवराज आज मला सोडून गेला. माझ्या वाढदिवसाचा केक न कापताच गेला’ या आशयाचे कॅप्शन दिले होते.

राजीव यांनी ‘हर शाख पे उल्लू बैठा है’ या मालिकेत काम केले आहे. तसेच कॉमेडी सर्कस के अजूबे, कॉमेडी सर्कस का जादू, कॉमेडी सर्कस के सुपरस्टार, ये तो होना ही था अशा अनेक मालिकांमध्ये काम केले आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: After the death of the son rajiv nigam said nobody helped me except maniesh paul avb

Next Story
चित्रगीत : सॅक्रेड चॅण्टस ऑफ शक्ती