‘कहो ना प्यार है’ चित्रपटातून बॉलिवूडमध्ये पदार्पण करणारी अभिनेत्री म्हणून अमिषा पटेलला ओळखले जाते. ती कायमच तिच्या खासगी आयुष्यामुळे चर्चेत असते. गेल्या काही दिवसांपासून अमिषा एका पाकिस्तानी अभिनेत्याला डेट करत असल्याचं बोललं जात आहे. एका रोमँटिक व्हिडीओमुळे या चर्चांना उधाण आले होते. मात्र नुकतंच अमिषा पटेलने या व्हिडीओमागचे सत्य सांगितले आहे. तसेच तिने त्या अभिनेत्याला डेट करत असल्याच्या चर्चांवरही भाष्य केले आहे. पाकिस्तानी अभिनेता इमरान अब्बास आणि अमिषा पटेल यांचा एक रोमँटिक व्हिडीओ सध्या व्हायरल होत आहे. यामुळे त्या दोघांचे अफेअर सुरु आहे, अशा चर्चाही रंगल्या होत्या. मात्र नुकतंच 'हिंदुस्तान टाइम्स'शी बोलताना तिने याबद्दल सांगितले. यात ती म्हणाली, "एका कार्यक्रमादरम्यान आम्ही भेटलो होता. त्यावेळी आम्ही क्रांती चित्रपटातील ते मजेशीर गाणे शूट करण्याचा निर्णय घेतला. या चित्रपटात मी हे गाणे बॉबी देओलबरोबर शूट केले आहे. त्याच गाण्यावर आम्ही दोघांनी एक व्हिडीओ शूट केला. त्यानंतर तो इन्स्टाग्रामवर शेअर केला आणि त्यानंतर अफेअरच्या चर्चांना उधाण आले."आणखी वाचा : ‘तू माझ्याशी लग्न करशील का?’ काँग्रेस नेत्याच्या मुलाने अभिनेत्री अमिषा पटेलला केलं उघडपणे प्रपोज, स्पष्टीकरण देताना म्हणाली… "या व्हिडीओबद्दल अनेकांनी दिलेल्या बातम्या, पोस्ट मी वाचल्या. हे पाहिल्यानंतर मला फार हसू आले. हा संपूर्ण प्रकार फार वेडेपणाचा आणि मूर्खपणाचा आहे. मी खूप वर्षांनी माझ्या मित्राला भेटली आणि ती फक्त एक भेट होती." असेही तिने सांगितले. आणखी वाचा : “कुशल बद्रिकेने मला जबरदस्ती…” श्रेया बुगडेची ‘ती’ पोस्ट चर्चेत "माझे या चित्रपटातील हे गाणे अब्बासला फार आवडते. ते आमच्या दोघांचेही आवडीचे गाणे आहे. त्यामुळे आम्ही दोघांनी पटकन एक व्हिडीओ केला आहे. त्याच्या मित्राने हा व्हिडीओ शूट केला. तो व्हिडीओ फार चांगला झाला होता. त्यामुळे मी तो सोशल मीडियावर शेअर केला. यातील एकही गोष्ट नियोजनानुसार नव्हती", असे अमिषा पटेलने म्हटले. दरम्यान अमिषा पटेल ही सध्या गदर २ च्या शूटींगमध्ये व्यक्त आहे. यात ती सनी देओल आणि उत्कर्ष शर्मासोबत दिसणार आहे. याशिवाय ती अर्जुन रामपाल आणि डेजी शाहसोबत ‘मिस्ट्री ऑफ टॅटू’ या चित्रपटातही काम करत आहे.
