दोन दशकांनंतर तारासिंह आणि सकिना येणार प्रेक्षकांच्या भेटीला, ‘गदर २’च्या शूटिंगला सुरुवात

अमिषाने चित्रपटाच्या सेटवरील फोटो शेअर करत दिली माहिती

Ameesha Patel, Sunny Deol, Gadar 2, Gadar 2 shooting,

बॉलिवूडमधील काही चित्रपट असे आहेत जे प्रदर्शित होऊन अनेक वर्षे उलटली असली तरी प्रेक्षक आजही ते तितक्याच आनंदाने बघतात. या यादीमधला एक चित्रपट म्हणजे ‘गदर: एक प्रेम कथा.’ या चित्रपटाने बॉक्स ऑफिसवर तुफान कमाई केली होती. आता जवळपास २० वर्षांनंतर या चित्रपटाचा सीक्वेल प्रेक्षकांच्या भेटीला येत आहे. चित्रपटाच्या चित्रीकरणास देखील सुरुवात झाल्याचे समोर आले आहे.

अमिषाने तिच्या इन्स्टाग्राम अकाऊंटवर ‘गदर २’च्या सेटवरचा फोटो शेअर केला आहे. या फोटोमध्ये तारा सिंग व सकीना सैनिकांशी गप्पा मारताना दिसत आहेत. त्यांच्यासोबतच चित्रपटाचे दिग्दर्शक अनिल शर्मा देखील दिसत आहेत. त्यांचा सेटवरचा फोटो सध्या व्हायरल झाला आहे.
Video : …अन् सारा अली खानने मागितली फोटोग्राफरची माफी

‘गदर २’ चित्रपटाची कथा ही ‘गदर’ पेक्षा थोडी वेगळी असणार आहे. या चित्रपटात तारा सिंह पुन्हा एकदा पाकिस्तानमध्ये जाणार आहे. पण तो सकिनासाठी नाही तर त्यांचा मुलासाठी जाणार आहे. त्यामुळे गदर चित्रपटाच्या सीक्वेलमध्ये एक वेगळी कथा पाहायला मिळणार असल्याच्या चर्चा रंगल्या आहेत.

गदर चित्रपटात तारा सिंहची भूमिका अभिनेता सनी देओलने साकरली होती. तर सकीनाच्या भूमिकेत अभिनेत्री अमिषा पटेल दिसली होती. त्यांच्या मुलाची भूमिका उत्कर्ष शर्माने साकारली होती. आता ‘गदर २’मध्ये हेच कलाकार दिसणार असून चित्रपटाच्या चित्रीकरणास सुरुवात केल्याचे समोर आले आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Ameesha patel shares photo muhurt shot of gadar 2 with sunny deol on social media avb

ताज्या बातम्या