अमिताभ बच्चन यांनी वापरलेली मर्सिडीज OLX वर विक्रीला

बिग बींनी एकेकाळी वापरलेली मर्सिडीज बेंझ एस क्लास लक्झरी कार आता विक्रीस निघाली आहे.

अमिताभ बच्चन यांना महागड्या गाड्या वापरण्याचा शौक आहे. त्यांनी एकेकाळी वापरलेली मर्सिडीज बेंझ एस क्लास लक्झरी कार आता विक्रीस निघाली आहे. ओएलएक्स या साइटवर ही कार विक्रीला असल्याचं पाहायला मिळत आहे. साइटवर या गाडीची किंमत केवळ ९.९९ लाख रुपये लावण्यात आली आहे.

ओएलएक्स साइटवर वापरलेल्या जुन्या वस्तू किंवा गाड्या विकल्या जाऊ शकतात. साइटवर बिग बींनी वापरलेल्या मर्सिडीजची किंमत इतकी कमी असल्याचं कारण म्हणजे याआधी ती इतरांनीही वापरली आहे. सध्या ज्या व्यक्तीने ओएलएक्सवर जाहिरात टाकली आहे, तो या गाडीचा तिसरा मालक आहे. त्या मालकानेच ही गाडी बिग बींनी वापरलेली असल्याचा दावा केला आहे. गाडीचा रंग व नोंदणी क्रमांक तोच असल्यामुळे शंकेला वाव कमी आहे. तरीही या पोस्टमधील तथ्य व सत्यता पडताळता आलेली नाही.

बिग बींनी रेंज रोव्हर, लेक्सस एलएक्स ५७०, बेंटली काँटिनेंटल जीटी यांसारख्या आलिशान गाड्या वापरल्या आहेत. ओएलएक्सवर सध्या विक्रीला असलेली ही मर्सिडीज एकेकाळी त्यांच्या ताफ्यात असल्याचा दावा मालकाने केला आहे. त्यामुळे बिग बींनी वापरलेली गाडी विकत घेणं म्हणजे चाहत्यांसाठी एक पर्वणीच असेल.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Amitabh bachchan old mercedes benz s class put up for sale at olx ssv

Next Story
चित्रगीत : सॅक्रेड चॅण्टस ऑफ शक्ती
ताज्या बातम्या