बॉलिवूड अभिनेते अमिताभ बच्चन सोशल मीडियावर प्रचंड सक्रिय असल्याचे पाहायला मिळते. ते त्यांच्या खासगी आयुष्यातील अनेक गोष्टी चाहत्यांसोबच शेअर करताना दिसतात. त्याचबरोबर ते त्यांना टॅग केले काही मजेशीर व्हिडीओ देखील शेअर करताना दिसतात. असाच एक व्हिडीओ अमिताभ यांनी शेअर केला आहे. या व्हिडीओमध्ये एक चिमुकला डॉन चित्रपटातील गाण्यावर नाचताना दिसत आहे.

ट्विटरवर एका यूजरने लहान मुलाचा व्हिडीओ शेअर केला होता. या व्हिडीओमध्ये चिमुकला अमिताभ यांचा हिट चित्रपट डॉनमधील ‘खईके पान बनारस वाला’ या गाण्यावर डान्स करताना दिसत आहे. या ट्विटर यूजरने हा व्हिडीओ शेअर करत ‘छोट्या डॉनला पाहा सर’ असे म्हणत अमिताभ यांना टॅग केला होता.

त्या लहान मुलाचा व्हिडीओ बिग बींना आवडला असून बिग बींनी देखील शेअर केला आहे. हा व्हिडीओ शेअर करत बिग बींनी ‘हाहाहा… बिचारा.. पण किती क्यूट आहे’ असे म्हटले आहे. सध्या सोशल मीडियावर या चिमुकल्याची जोरदार चर्चा सुरु आहे.