उद्योगपती मुकेश अंबानी व नीता अंबानी यांचा धाकटा मुलगा अनंत अंबानी याचा राधिका मर्चंटशी काहीच दिवसांपूर्वी साखरपुडा पार पडला. राधिका व अनंत अंबानीच्या साखरपुड्याचे फोटो व व्हिडीओ सोशल मीडियावर प्रचंड व्हायरल झाले होते.

या बातमीसह सर्व प्रीमियम कंटेंट वाचण्यासाठी साइन-इन करा

साखरपुड्यानंतर आठ दिवसांनी अनंत अंबानी व राधिका मर्चंट तिरुपती बालाजीच्या दर्शनाला गेले होते. तिरुमाला मंदिरात दर्शन घेत त्यांनी पारंपरिक पूजाही केली. राधिका मर्चंट व अनंत अंबानी यांचे तिरुपती बालाजीच्या मंदिरातील दर्शनाचे फोटो व व्हिडीओ व्हायरल झाले आहेत.

हेही वाचा>> Video: हातात दारुचा ग्लास अन् कंगना रणौतचा डान्स; पार्टीतील व्हिडीओमुळे अभिनेत्री ट्रोल, नेटकरी म्हणाले “हिंदू धर्म…”

‘हिंदुस्तान टाइम्स’ने दिलेल्या वृत्तानुसार, अनंत अंबानी व राधिका मर्चंट यांनी २४ जानेवारी(मंगळवारी) ओडिसा राज्यातील जग्गनाथ मंदिराला भेट दिली. त्याआधी गुवाहाटीमधील कामाख्या देवीचं दर्शनही त्यांनी घेतले असल्याची माहिती आहे.

हेही वाचा>> आधी साखरपुडा अन् लगेचच दुसऱ्या दिवशी पार पडलं लग्न; ‘मन उडू उडू झालं’ फेम अभिनेत्याची नवी इनिंग

अनंत अंबानी व राधिका मर्चंट यांचा साखरपुडा १९ जानेवारीला पार पडला होता. अंबानी कुटुंबियांनी त्यांच्या साखरपुड्यात अनंत अंबानी व राधिकासाठी खास डान्सही केला होता. अनंत अंबानी व राधिका मर्चंट गेल्या अनेक वर्षांपासून रिलेशनशिपमध्ये आहेत. साखरपुड्यानंतर आता त्यांच्या लग्नाच्या चर्चा सुरू आहेत.

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Anant ambani radhika merchant at tirupati balaji mandir photo viral kak
First published on: 27-01-2023 at 18:59 IST