‘पवित्र रिश्ता’ फेम अभिनेत्री अंकिता लोखंडे आज तिचा प्रियकर विकी जैनसोबत लग्नाच्या बेडीत अडकणार आहे. पण सध्या अंकिताच्या लग्नाआधीच्या विविध कार्यक्रमातील फोटो आणि व्हिडीओ सोशल मीडियावर जोरदार व्हायरल होताना दिसत आहे. आता अंकिताची आई आणि सासूबाई यांचा एक डान्स व्हिडीओ समोर आला आहे. ज्याची सोशल मीडियावर चर्चा होताना दिसत आहेत.अंकिताच्या संगीत समारंभात तिची आई आणि सासूबाईंनी केलेल्या डान्सचा व्हिडीओ सध्या सोशल मीडियावर व्हायरल होताना दिसत आहे. या व्हिडीओवर अनेकांनी कमेंट केल्या आहेत. सोशल मीडियावर चर्चेत असणाऱ्या या व्हिडीओमध्ये अंकिताची आई आणि इतर काही महिला डान्स करताना दिसत आहेत. तर अंकिताच्या मैत्रिणी तिच्या आईचा डान्स व्हिडीओ शूट करताना दिसत आहेत. याशिवाय अंकिताच्या सासूबाई आणि नणंद यांचाही डान्स व्हिडीओ सोशल मीडियावर चर्चेत आहे. साखरपुडा आणि मेहंदीच्या कार्यक्रमानंतर १३ डिसेंबरला रात्री अंकिताच्या संगीत समारंभाचं आयोजन करण्यात आलं होतं. ज्यात अभिनेत्री कंगना रणौतही हजेरी लावली होती. ज्याचा व्हिडीओ सोशल मीडियावर व्हायरल झाला होता. अंकितानं कंगनाच्या ‘मणिकर्णिका’ चित्रपटात महत्त्वपूर्ण भूमिका साकारली होती.
