बॉलिवूड अभिनेता शाहरुख खानचा मुलगा आर्यन खानला क्रूझ ड्रग्ज प्रकरणी अटक करण्यात आली आहे. सध्या तो मुंबईतील आर्थर रोड जेलमध्ये कैद आहे. आर्यनच्या अटकेनंतर बॉलिवूडचे अनेक कलाकार शाहरुखला जाहीर समर्थन देत आहेत. तर दुसरीकडे काही जण शाहरुख आणि आर्यनबद्दल उलटसुलट चर्चा करताना दिसत आहेत. नुकतंच याप्रकरणी प्रसिद्ध गीतकार जावेद अख्तर यांनी प्रतिक्रिया दिली आहे. बॉलिवूडमधील अनेक मोठ्या सेलिब्रेटींना तपासाच्या नावाखाली जाणूनबुजून लक्ष्य केले जात आहे, असे विधान जावेद अख्तर यांनी केले. यावेळी त्यांनी शाहरुखसह आर्यनलाही समर्थन दिले.

मुंबईतील जुहू परिसरात चेंजमेकर्स या पुस्तक प्रकाशन सोहळ्याला जावेद अख्तर यांनी हजेरी लावली. यावेळी दिलेल्या मुलाखतीदरम्यान प्रसारमाध्यमांनी त्यांना शाहरुख आणि आर्यन खानच्या अटकेबद्दल अनेक प्रश्न विचारले. त्यावेळी जावेद अख्तर यांनी थेट यावर कोणतीही प्रतिक्रिया दिलेली नसली तरी त्यांनी शाहरुखाला पाठिंबा दिला आहे. सध्या बॉलिवूडमधील अनेक सेलिब्रेटी, दिग्गज कलाकार यांसह इतरांना जाणूनबुजून लक्ष्य केले जात आहे, असे जावेद अख्तर म्हणाले.

Sourav Ganguly Reacts After Sunil Gavaskar Called Dhruv Jurel The Second Rising MS Dhoni
Sourav Ganguly : ‘माही’भाईशी जुरेलची तुलना होताच ‘दादा’ची रोखठोक प्रतिक्रिया; म्हणाला, “धोनीला धोनी बनण्यासाठी…”
future players in indian cricket team
विश्लेषण : टीम इंडिया ‘जनरेशन नेक्स्ट’ कशी असेल?
atal bihari vajpeyee video
Video: अटल बिहारी वाजपेयींचा ‘तो’ व्हिडीओ पोस्ट करत जितेंद्र आव्हाडांची सूचक टिप्पणी; म्हणाले, “यही सच है!”
Taapsee Pannu reacts on wedding with Mathias Boe
तापसी पन्नू विदेशी बॉयफ्रेंडशी मार्चमध्ये लग्न करणार? अभिनेत्रीने चर्चांवर सोडलं मौन, म्हणाली, “मी कधीही…”

जावेद अख्तर नेमंक काय म्हणाले?

“काही दिवसांपूर्वी एका बंदरावर (अदानीचे बंदर) एक अब्ज डॉलर्स किमतीचे कोकेन सापडले होते. तर दुसरीकडे त्याचवेळी एका क्रूझवर १२०० लोकांची तपासणी केली जाते. त्यावेळी त्या ठिकाणी दीड लाख किंमतीचे चरस सापडतो. क्रूझवर अंमली पदार्थ सापडले ही एक मोठी राष्ट्रीय बातमी होते.मात्र दुसरीकडे अब्ज डॉलर्स कोकेन सापडले त्याची साधी हेडलाईनही कुठे पाहायला मिळत नाही. काही ठिकाणी ही बातमी पाचव्या किंवा सहाव्या पानावर छापलेली दिसते. यानंतर मग असं म्हटलं जाते की, आम्ही यापुढे जहाजाला या बंदरावर येऊ देणार नाही. अरे पण यापूर्वी तुम्हाला जे मिळालं आहे, त्याबद्दल तर बोला,” असे विधान जावेद अख्तर यांनी केले.

“बॉलिवूड इंडस्ट्री हायप्रोफाईल असल्याची किंमत चुकवतयं”

यापुढे जावेद अख्तर म्हणाले, “बॉलिवूड इंडस्ट्री हायप्रोफाईल असल्याची किंमत चुकवत आहे. जेव्हा तुम्ही हायप्रोफाईल असता, त्यावेळी तुम्हाला खाली खेचण्यास, तुमच्यावर दगडफेक करण्यास, चिखलफेक करण्यास सर्वांना आनंद मिळतो. पण जर तुम्ही कोणीही नसाल, तर मग तुमच्यावर चिखलफेक करण्यास कोणाला आनंद मिळेल?” असा सवालही जावेद अख्तर यांनी उपस्थित केला.