‘बेबी’, ‘स्पेशल २६’सारखे चित्रपट देणारे दिग्दर्शक नीरज पांडे हे त्यांच्या आगामी चित्रपटावर काम करत आहेत. त्यांनी अभिनेता अजय देवगणला घेऊन ‘चाणक्य’ या प्रोजेक्टची घोषणा केली होती, पण आता तो चित्रपट लांबणीवर पडल्याने नीरज पांडे यांनी अजय देवगणबरोबर एका वेगळ्या चित्रपटावर काम करायला सुरुवात केली आहे. अजय देवगणची यात मुख्य भूमिका असून आता आणखी एक अभिनेता या चित्रपटात दिसायची शक्यता आहे.

या नवीन थ्रिलर चित्रपटात अजय देवगण बरोबर नीरज पांडे यांनी आयुष्मान खुराना याला घेण्याचं ठरवलं आहे. अजय देवगण या चित्रपटाची निर्मिती करणार असल्याचंही सांगितलं जात आहे. ‘पिपिंग मून’च्या मीडिया रीपोर्टनुसार या चित्रपटासाठी नीरज पांडे अजूनही आयुष्मानशी बोलणी करत आहेत. आयुष्मानशी बोलणं झाल्यानंतर लगेचच या चित्रपटाच्या चित्रीकरणाला सुरुवात होईल असंही सांगण्यात आलं आहे.

dwarka pm modi
प्राचीन द्वारका नगरीच्या दर्शनातून पंतप्रधान मोदींचा अहिर समुदायाला संदेश
Kangana Ranaut
चित्रपटसृष्टीने आपल्याला अनेकदा अपमानित केले, कंगना राणावतचा न्यायालयात दावा
sanjay-dutt-salman-khan
जेव्हा संजय दत्त व सलमान खान यांना घेऊन बनणार होती एक गे लव्हस्टोरी…; किस्सा जाणून घ्या
aamir-khan2
ठरलं! ‘या’ चित्रपटातून आमिर खान करणार दमदार कमबॅक; प्रदर्शनाबद्दल मिस्टर परफेक्शनिस्टचा खुलासा

आणखी वाचा : आता टीव्हीवरील कार्यक्रम होणार बॉयकॉट; ‘इंडियन आयडल’वर बहिष्कार घालायची मागणी का होत आहे?

चित्रपटाचं नाव, कथा याबाबतीत आणखी काही खुलासा नीरज यांनी केला नसला तरी त्यांच्या इतर चित्रपटांप्रमाणे हा चित्रपटही एक थ्रिलर असणार आहे. अजय देवगण मुख्य भूमिकेत तर आयुष्मान खुरानाला सहाय्यक भूमिकेसाठी विचारण्यात आलं आहे. शिवाय लवकरच या चित्रपटाचे चित्रीकरण भोपाळमध्ये सुरू होण्याची शक्यता वर्तवण्यात आली आहे.

अजय देवगण आणि आयुष्मानबरोबरच अनुपम खेरही या चित्रपटात महत्त्वाच्या भूमिकेत दिसू शकतात. अजय देवगण हा सध्या त्याच्या ‘दृश्यम २’च्या चित्रीकरणात व्यस्त आहे. तर आयुष्मान खुराना हा त्याच्या आगामी ‘अॅक्शन हीरो’साठी तयारी करत आहे. आयुष्मानचा ‘डॉक्टर जी’ हा चित्रपटही लवकरच चित्रपटगृहात प्रदर्शित होणार आहे.