प्रसिद्ध गायक बप्पी लहरी यांचे आज १६ फेब्रुवारी रोजी निधन झाले आहे. वयाच्या ६९ वर्षी त्यांनी अखेरचा श्वास घेतला. गेल्या काही दिवसांपासून मुंबईतील रुग्णालयात त्यांच्यावर उपचार सुरु होते. उपचार सुरू असतानाच त्यांची प्राणज्योत मालवली. बप्पी लहरी यांच्या निधनामुळे संपूर्ण कलाविश्वावर शोककळा पसरली आहे. अनेक कलाकार सोशल मीडिया पोस्टद्वारे त्यांना श्रद्धांजली वाहत आहेत.

हंसल मेहता यांनी ट्वीट करत बप्पी लहरी यांना श्रद्धांजली वाहिली आहे. ‘आणखी एक तारा निखळला. मला त्यांच्यासोबत काम करण्याची संधी मिळाली होती’ या आशयाचे ट्वीट त्यांनी केले आहे.

personality of jacob rothschild
व्यक्तिवेध : जेकब रोथशील्ड
readers reaction on loksatta editorial
लोकमानस: बाबा शक्तिशाली झाले त्यात आश्चर्य ते काय?
santhan rajiv gandhi case convict
राजीव गांधी हत्या प्रकरणातील दोषीचा सुटकेनंतर दोन वर्षांनी मृत्यू; आरोपी संथन कोण होता?
Kangana Ranaut
चित्रपटसृष्टीने आपल्याला अनेकदा अपमानित केले, कंगना राणावतचा न्यायालयात दावा

त्यानंतर अशोक पंडीत यांनी देखील ट्वीट केले आहे. ‘बप्पी लहरी यांच्या निधनाची बातमी ऐकून धक्काच बसला. मला विश्वास बसत नाहीये की माझा शेजारी गेला. त्यांचे म्युझिक आमच्या हृदयात कायम आहे’ या आशयचे ट्वीट त्यांनी केले आहे.

अभिनेता अजय देवगण, रविना टंडन, सुभाष घई अशा अनेक कलाकारांनी सोशल मीडियाच्या माध्यमातून बप्पी लहरी यांना श्रद्धांजली वाहिली आहे.

बप्पी लहरी यांना एप्रिल २०२१ मध्ये करोना संसर्गही झाला होता. त्यावेळी त्यांच्यावर मुंबईतील ब्रीच कॅण्डी रुग्णालयात उपचार करण्यात आले होते. त्यानंतर ते काही दिवसांमध्येच बरे झाले. पण गेल्या काही दिवसांपासून त्यांना प्रकृतीशी संबंधीत अनेक समस्यांचा सामना करावा लागत होता. त्यांचा मृत्यू ओएसए म्हणजेच ऑबस्ट्रक्टिव्ह स्लीप अॅप्नियामुळे मध्यरात्रीच्या सुमारास झाला, अशी माहिती रुग्णालयाचे संचालक डॉ. दीपक नामजोशी यांनी दिली.