Bhagya Dile Tu Mala: कलर्स मराठी वाहिनीवरील भाग्य दिले तू मला मालिकेतील राजवर्धन- कावेरी ही जोडी अल्पावधीतच सर्वांची आवडती झाली आहे. या दोघांमध्ये ऑन स्क्रीन इतकीच कमाल केमिस्ट्री प्रत्यक्षातही पाहायला मिळते. म्हणजेच काय तर जितके खास मित्र राजवर्धन आणि कावेरी आहेत तितकीच मैत्री हे पात्र साकारणारे कलाकार विवेक सांगळे व तन्वी मुंडले यांच्यात खऱ्या आयुष्यातही आहे. आता इतके खास मित्र म्हणजे अर्थात एकमेकांचे सिक्रेट्स यांना माहित असणारच. असंच एक सिक्रेट राजवर्धनने म्हणजेच विवेक सांगळेने लोकसत्ताशी गप्पा मारताना शेअर केलं आहे.

या बातमीसह सर्व प्रीमियम कंटेंट वाचण्यासाठी साइन-इन करा

मालिकेत तन्वी मुंडले साकारत असणारं पात्र म्हणजेच कावेरी ही अत्यंत पारंपरिक व रीती पाळून जगणारी मुलगी आहे असे दाखवले आहे, तर त्याच वेळी राजवर्धन म्हणजे विवेक सांगळे हा मॉडर्न विचारांचा दाखवण्यात आला आहे. अनेकदा पार्टी किंवा कोणत्या खास प्रसंगी जेव्हा बाकी सर्वजण मॉडर्न कपडे घालतात तेव्हाही कावेरी मात्र पंजाबी ड्रेस किंवा साडीतच बघायला मिळते यामुळे अनेकदा राजवर्धन कावेरीला काकू अशी हाक मारतो. राजवर्धनचं हे काकू हाक मारणं कावेरीला मालिकेत जरी आवडत नसलं तरी प्रत्यक्षात जेव्हा चाहते तिला भेटून गंमतीत काकू हाक मारतात तेव्हा तिला कुठेतरी मनात आनंदच होतो, असे विवेकने सांगितले.

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Bhagya dile tu mla tanvi mundle called kaku rajvardhan kaveri chemistry making hits in audience svs
First published on: 03-09-2022 at 18:36 IST