scorecardresearch

Bhirkit Teaser: प्रेक्षकांमध्ये उडणार हास्याचे फवारे, बहुचर्चित ‘भिरकीट’ चित्रपटाचा टीझर प्रदर्शित

बहुचर्चित ‘भिरकीट’ चित्रपटाचा धम्माल टीझर पाहिलात का?

bhirkit, bhirkit teaser, bhirkit official teaser release, anup jagdale, girish kulkarni, moalisa bagal, भिरकीट, भिरकीट टीझर, अनुप जगदाळे, मोनालिसा बागुल, गिरिष कुलकर्णी, तानाजी गालगुंडे
प्रेक्षकांमध्ये हास्याचे फवारे उडवायला येत्या १७ जूनपासून ‘भिरकीट’ प्रेक्षकांच्या भेटीला येत आहे.

प्रेक्षकांमध्ये हास्याचे फवारे उडवायला येत्या १७ जूनपासून ‘भिरकीट’ प्रेक्षकांच्या भेटीला येत आहे. क्लासिक एंटरप्राईज प्रस्तुत, सुरेश जमतराज ओसवाल व भाग्यवंती सुरेश ओसवाल निर्मित ‘भिरकीट’चे काही दिवसांपूर्वीच एक मजेदार पोस्टर प्रेक्षकांच्या भेटीला आले होते. या पोस्टरवरून चित्रपटाविषयी उत्सुकता अधिकच वाढली होती. त्यातच आता चित्रपटाचा टीझर प्रेक्षकांच्या भेटीला आला आहे.

पैसा कमावण्याचे, प्रसिद्धीचे, सुखी राहाण्याचे ‘भिरकीट’ सगळ्यांच्या मागे असताना ‘तात्या’ मात्र वेगळ्याच दुनियेत जगत आहे. त्याच्या या दुनियेत नेमके काय होते आणि त्यातून तो बाहेर येतो का, हे ‘भिरकीट’ पाहिल्यावरच कळेल. हा एक धमाल विनोदी आणि कौटुंबीक चित्रपट असल्याचे कळतेय.

आणखी वाचा- “तुम्ही अजूनही…” विवेक अग्निहोत्रींनी ट्विंकल खन्ना- शशी थरूर यांच्यावर साधला निशाणा

‘भिरकीट’ चित्रपटाचे दिग्दर्शक अनुप जगदाळे म्हणतात, ” मुळात ‘भिरकीट’ म्हणजे काय? चित्रपटाचे नावच प्रशचिन्ह उपस्थित करणारे आहे. ‘भिरकीट’ हे आपल्या सगळ्यांच्याच आयुष्यात अदृश्यरिता मागे लागलेले असतेच. मुळात ही आपल्या सगळ्यांची गोष्ट आहे. टिझरवरून कळले असेलच माणूस ‘माणूस’ म्हणून किती उरलेला आहे. त्याच्यात किती बदल झाला आहे. हे सर्व ‘भिरकीट’मध्ये पाहायला मिळणार आहे. हा एक मल्टीस्टारर सिनेमा आहेत. अर्थात ती कथेची गरज होती. मात्र यात सगळे कसलेले कलाकार आहेत.”

आणखी वाचा- “बाप हा नेहमी बापच असतो…” महेश बाबूला सुनील शेट्टीचं सडेतोड उत्तर

अनुप जगदाळे दिग्दर्शित या चित्रपटात गिरीश कुलकर्णी, ऋषिकेश जोशी, मोनालिसा बागुल, कुशल बद्रिके, सागर कारंडे, लंगड्या उर्फ तानाजी गालगुंडे, कैलास वाघमारे, उषा नाईक, याकूब सय्यद यांचा हास्यकल्लोळ पाहायला मिळणार आहे. ‘भिरकीट’ची पटकथा व संवाद प्रताप गंगावणे यांचे असून हा एक जबरदस्त विनोदी चित्रपट आहे. शैल व प्रितेश या हिंदी जोडीचे ‘भिरकीट’ला संगीत लाभले आहे.

मराठीतील सर्व मनोरंजन ( Manoranjan ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Bhirkit official teaser release today anup jagdale girish kulkarni moalisa bagul mrj

ताज्या बातम्या