Video: अखेर राखी सावंतचा पती आला सगळ्यांसमोर

राखी सावंत बिग बॉस १५मध्ये वाइल्ड कार्ड एण्ट्री करणार असून तिच्यासोबत तिचा पती देखील असणार आहे.

bigg Boss 15, bigg Boss 15 promo, Rakhi Sawant, Rakhi Sawant husband entry in bigg boss house,

छोट्या पडद्यावरील अतिशय लोकप्रिय आणि तितकाच वादग्रस्त शो म्हणून बिग बॉस पाहिला जातो. सध्या बिग बॉसचे १५ वे पर्व सुरु आहे. या पर्वातील तेजस्वी प्रकाश, करण कुंद्रा, शमिता शेट्टी प्रेक्षकांचे चांगले मनोरंजन करताना दिसत आहेत. अशातच बिग बॉसच्या घरात आता रश्मि देसाई, देवोलीना भट्टाचार्जी आणि राखी सावंत यांची वाइल्ड कार्ड एण्ट्री होणार आहे. शोचा सूत्रसंचालक सलमान खानने रश्मि आणि देवोलीनाचे बिग बॉसच्या मंचावर स्वागत केले. आता राखी सावंत तिच्या पतीसोबत एण्ट्री करणार आहे.

‘बिग बॉस १५’चा एक नवा प्रोमो सोशल मीडियावर व्हायरल झाला आहे. या प्रोमोमध्ये राखी एका व्यक्तीशी बिग बॉसच्या घरात एण्ट्री करण्याविषयी बोलत असल्याचे दिसत आहे. ती व्यक्ती राखीचा पती रितेश असल्याचे म्हटले जात आहे. पण प्रोमोमध्ये राखीसोबत नेमकं कोण आहे हे अद्याप स्पष्ट झालेले नाही.
वाचा : कुणी ६५व्या वर्षी तर कुणी ३०व्या वर्षी; ‘या’ अभिनेत्री लग्नबंधनात अडकल्या तेव्हाचं त्यांचं वय पाहून व्हाल थक्क

राखी सावंतने जेव्हा रितेशशी लग्न केले तेव्हा ती चर्चेत होती. पण रितेशला आजपर्यंत कुणीही पाहिलेला नाही. अनेकांनी राखीने चर्चेत येण्यासाठी केवळ खोटे लग्न केले आहे असे म्हटले आहे. आता बिग बॉसच्या घरात रितेशची एण्ट्री होणार असल्याचे म्हटले जात आहे.

याविषयी ‘ईटाइम्स’शी बोलताना राखी म्हणाली, ‘जेव्हा मी अनेकांना माझे लग्न रितेश नावाच्या एका उद्योगपतीशी झाल्याचे सांगितले तेव्हा कुणीही माझ्यावर विश्वास ठेवला नाही. अनेकांनी मी खोटं बोलत आहे असे म्हटले. इतकेच काय तर हा एक पब्लिसिटी स्टंट आहे असेही अनेकांनी म्हटले. माझ्या पतीचा चेहरा लोकांना पाहायला मिळाला नाही म्हणून कुणीही माझ्यावर विश्वास ठेवला नाही. पण आता बिग बॉस १५मध्ये धमाल पाहा.’

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Bigg boss 15 promo rakhi sawant and her husband ritesh wild card entry in the house avb

Next Story
प्रत्यक्षाहुनी उत्कट : सण-उत्सवांची ‘व्हर्च्युअल’ प्रतिमा!
ताज्या बातम्या