अमिताभ बच्चन यांच्यासोबत काम करण्याची अनेकांचीच इच्छा असते. पण, चित्रपटात अमिताभ बच्चन साकारात असलेल्या व्यक्तिरेखेची लहानपणीची भूमिका रुपेरी पडद्यावर वठविण्याची संधी मिळाली तर, ही संधी मिळाली होती एका बालकलाकाराला. अमिताभ बच्चन यांच्या अनेक जुन्या चित्रपटांमधील या बालकलाकाराचा चेहरा अनेकांच्या ओळखीचा आहे. या कलाकाराचं नाव आहे मयूर राज वर्मा. त्याकाळी तो ‘मास्टर मयूर’ नावाने प्रसिध्द होता. सध्याच्या घडीला तो चित्रपटांमधून फारसा दिसत नसला तरीही त्याचा उल्लेख मात्र आवर्जून केला जातो.

मयुर सध्या व्यवसाय क्षेत्रात कार्यरत असून, या क्षेत्रात त्याचा पक्का जम बसला आहे. स्वत:चा व्यवसाय सुरु करण्यापूर्वी मयूरने जवळपास १५ चित्रपट आणि ९ मालिकांमध्ये काम केलं. एक काळ असा होता की बॉलिवूडमध्ये काही प्रसिद्ध बालकलाकारांमध्ये त्याचं नाव घेतलं जायचं. ७०-८० च्या दशकात त्याने बऱ्याच चित्रपटांमध्ये बिग बींचं बालपण साकारलं होतं. शरीरयष्ठी, चेहरेपट्टी अमिताभ यांच्यासारखीच असल्यामुळे त्यांना ‘यंग अमिताभ बच्चन’ म्हणूनही ओळखलं जाऊ लागलं होतं. मयूरच्या नावाला खऱ्या अर्थाने ओळख दिली ती ‘मुकद्दर का सिकंदर’ चित्रपटाने. या चित्रपटातील त्याची भूमिका प्रचंड लोकप्रिय झाल्यानंतर त्याला इतर चित्रपटांच्या ऑफर आल्या. किंबहुना त्या काळात सर्वाधिक मानधन घेणाऱ्या बालकलाकारांमध्ये मयूरचा समावेश होता.

dombivli shilphata road marathi news, shasan aplya dari dombivli marathi news
डोंबिवली : शिळफाटा रस्ता रविवारी अवजड वाहनांसाठी बंद, शासन आपल्या दारी कार्यक्रमासाठी वाहतूक विभागाचा निर्णय
Sandhya Devanathan
व्यवसाय वाढीमध्ये ‘एआयʼची महत्त्वाची भूमिका, मेटाच्या व्यवस्थापकीय संचालक संध्या देवनाथन यांचे मत
eknath shinde
आरोग्य विभागातील १४४६ वैद्यकीय अधिकाऱ्यांची भरती प्रक्रिया पूर्ण, मुख्यमंत्र्यांच्या हस्ते पदस्थापनेचा आदेश!
Analysis of adulterated food will be expedited report will be available within 14 days
भेसळयुक्त खाद्यपदार्थांचे विश्लेषण वेगात होणार, १४ दिवसांमध्ये मिळणार अहवाल

चित्रपटात अमिताभ बच्चन साकारत असलेली व्यक्तिरेखा बालकलाकाराच्या रुपात लिलया पेलणारा मयूर प्रसिद्धीझोतात असतानाच एकाएकी चित्रपटसृष्टीपासून दुरावला गेला. एका संकेतस्थळाने प्रसिद्ध केलेल्या वृत्तानुसार सध्या तो वेल्समध्ये स्थायिक झाला असून ‘इंडियाना’ नावाचं एक हॉटेल चालवतो. यामध्ये त्याला पत्नीची साथ लाभली आहे. त्याशिवाय बॉलिवूड चित्रपटांची ओळख टिकून रहावी यासाठी तो वेळोवेळी विविध कार्यशाळांचंही आयोजन करत असतो. ‘वेल्स अनलिमिटेड’ नावाची एक कंपनी सुरु करण्यामध्येही मयूरचा सहभाग आहे. त्याची एकंदर परिस्थिती पाहता रुपेरी पडद्यावर नाही. पण, पडद्याआड राहून मयूर चित्रपटसृष्टीला अनुभवतोय असंच म्हणावं लागेल.