दरम्यान दीपिकाचा एक व्हिडीओ ट्विटरवर शेअर करण्यात आला आहे. या व्हिडीओत दीपिका तिच्यावर टीका करणाऱ्यांना तसंच द्वेष करणाऱ्यांना उत्तर देताना दिसत आहे. “त्यांनी माझं रेटिंग बदललं, मन नाही,” असं दीपिका या व्हिडीओत सांगताना दिसत आहे.
Deepika’s comment to all Bhakts and fascists downvoting Chhapaak – “ Unho ne meri IMDB rating badli hai, mera mann nahi “ you go girl @deepikapadukone pic.twitter.com/Grvpiaub2G
— ria (@MonaDarlingx) January 29, 2020
चित्रपट आणि टीव्ही शोजचे रेटिंग देणाऱ्या जगातील सर्वात प्रतिष्ठित वेबसाइट आयएमडीबीवर सुरुवातीला छपाक चित्रपटाला अनेकांनी वन स्टार रेटिंग दिलं होतं. पण नंतर हे रेटिंग घसरुन ४.४ वर पोहोचलं आणि अखेर ४.६ वर स्थिरावलं. समीक्षकांनी चित्रपटाला चांगले रिव्ह्यू दिले असून दीपिकाच्या अभिनयाचं कौतुक केलं आहे. हा चित्रपट एका अॅसिड हल्ला पीडितेच्या आय़ुषयाची गोष्ट आहे.
छपाक चित्रपटाचं दिग्दर्शन मेघना गुलजार यांनी केलं आहे. चित्रपटात मालती या तरुणीचं अॅसिड हल्ल्यानंतरचं आयुष्य दर्शवण्यात आलं आहे. चित्रपट लक्ष्मी अग्रवाल या अॅसिड हल्ला पीडितेच्या आयुष्यावर आधारित आहे. छपाक चित्रपटासोबत अजय देवगणचा तान्हाजी चित्रपट प्रदर्शित झाला होता. तान्हाजीने बॉक्स ऑफिसवर बाजी मारली असून छपाकने जास्त कमाई केली नसली तरी प्रेक्षकांवर आपला प्रभाव सोडला आहे.
