बॉलिवूडचा पुढील जनरेशनचा सुपरस्टार म्हणून रणबीर कपूरकडे फार आशेने पाहिलं जातं. नुकताच त्याचा तू झूठी मैं मक्कार' हा चित्रपट प्रदर्शित झाला आहे. खरं तर मागचं वर्ष त्याच्यासाठी लकी ठरलं, रणबीरचा ‘शमशेरा’ जरी आपटला असला तरी त्याचा 'ब्रह्मास्त्र' चित्रपट सुपरहिट ठरला. रणबीर कपूरबद्दल नुकतंच चित्रपटाच्या दिग्दर्शकाने भाष्य केलं आहे. दिग्दर्शक लव्ह रंजन बॉलिवूडमधील प्रख्यात दिग्दर्शकांपैकी एक, 'प्यार का पंचनामा' चित्रपटातून त्याने बॉलिवूडमध्ये पदार्पण केलं. ‘तू झुटी मै मक्कार’ या चित्रपटातून पहिल्यांदाच त्याने रणबीर कपूर श्रद्धा कपूर या कलाकारांना मोठ्या पडद्यावर आणलं आहे. रणबीरने या चित्रपटासाठी मानधन घेतलेले नाही. याबद्दल लव्ह रंजन म्हणाला की, "त्याने आजपर्यंत मानधन घेतलेलं नाही. तुमच्या आयुष्यात जेव्हा असा एक काळ येतो तेव्हा तुम्ही एखाद्याकडे मदत मागता. गेल्या ४ वर्षात त्याने मला एकदाही नाराज केलेले नाही." अशी प्रतिक्रिया त्याने दिली आहे. बॉक्स ऑफिसवर दणकून आपटलेल्या चित्रपटांबद्दल कपिल शर्माचं वक्तव्य; म्हणाला, “आमच्यावर इतकी वर्ष प्रेम केलं…” 'तू झूठी मैं मक्कार’ चित्रपटाने प्रदर्शनाच्या दिवशी १५.७३ कोटींचा गल्ला जमवला. होळी आणि धुळवडीच्या सुट्ट्यांमुळे या चित्रपटाला फायदा झाल्याचं दिसून आलं.तर आता प्रदर्शनाच्या सहाव्या दिवशीही या चित्रपटाने चांगला गल्ला जमवला आहे. आतापर्यंत या चित्रपटाने एकूण ७६.२९ कोटींची घसघशीत कमाई केली आहे. या चित्रपटामध्ये रणबीर आणि श्रद्धासह डिंपल कपाडिया, बोनी कपूर आणि कॉमेडियन अनुभव सिंग बस्सी हे कलाकारही महत्त्वपूर्ण भूमिकेत आहेत. अभिनेता म्हणून बोनी कपूर यांचा हा पहिलाच चित्रपट आहे.
