५८ वर्षांच्या अक्षय कुमारच्या वडिलांची भूमिका साकारतोय ४९ वर्षांचा अभिनेता; राणी मुखर्जीबरोबर केलाय रोमान्स, कोण आहे तो?

कोण आहे हा अभिनेता?

या चित्रपटात ५८ वर्षांचा अक्षय कुमार मुख्य भूमिकेत आहेत, तर त्याच्या वडिलांची भूमिका ४९ वर्षांचा अभिनेता जिशु सेनगुप्ताने साकारली आहे. खऱ्या आयुष्यात जिशु हा अक्षयपेक्षा ९ वर्षांनी लहान आहेत, पण पडद्यावरचं हे नातं कथेत एक वेगळाच ट्विस्ट देते.

टीव्हीपासून सुरू झालेला जिशू सेनगुप्ताचा प्रवास

जिशु सेनगुप्ताने त्याच्या करिअरची सुरुवात ‘महाप्रभु’ या टीव्ही मालिकेतून केली होती. यामध्ये त्याने चैतन्य महाप्रभुंची भूमिका साकारली होती, ज्यामुळे त्याला घराघरांत ओळख मिळाली. सुरुवातीच्या काळात त्याला फारसं यश मिळालं नाही, पण त्याने जिद्दीने प्रयत्न सुरू ठेवले. त्याने प्रसिद्ध दिग्दर्शक रितुपर्णो घोष यांच्याबरोबर काम केल्यावर त्याच्या करिअरला खरी कलाटणी मिळाली. पुढे त्याने ‘अबोहोमान’, ‘नौकाडूबी’ आणि ‘शोब चरित्रो कल्पोनिक’ यांसारख्या चित्रपटांमुळे त्याला एक दमदार अभिनेता म्हणून नवी ओळख मिळाली.

बॉलीवूड आणि दाक्षिणात्य सिनेसृष्टीत उमटवला ठसा

जिशू सेनगुप्ताने हिंदी सिनेसृष्टीत श्याम बेनेगलच्या ‘नेताजी सुभाषचंद्र बोस: द फॉरगॉटन हिरो’ या चित्रपटाद्वारे पदार्पण केलं. त्यानंतर त्याने ‘मणिकर्णिका’ आणि ‘अंतिम: द फायनल ट्रुथ’ सारख्या चित्रपटांमध्ये महत्त्वाच्या भूमिका साकारल्या. केवळ हिंदीच नाही, तर दाक्षिणात्य सिनेसृष्टीतही त्याने ‘श्याम सिंघा रॉय’ आणि ‘सीता रामम’ यांसारख्या चित्रपटांतून आपल्या अभिनयाची छाप सोडली आहे.

आधी राणीचा पती, आता अक्षय कुमारच्या वडिलांच्या भूमिकेत

जिशु सेनगुप्ता ‘मर्दानी’ चित्रपटात राणी मुखर्जीच्या पतीच्या भूमिकेत दिसला होता. त्याने राणीसोबत रोमँटिक चित्रपटातही काम केलं आहे. मात्र, आता तोच अभिनेता ‘भूत बंगला’ मध्ये अक्षय कुमारच्या वडिलांच्या भूमिकेत एका वेगळ्याच अंदाजात समोर येत आहे.

जिशु यांनी आपल्या करिअरमध्ये वैविध्यपूर्ण भूमिका साकारल्या आहेत. ‘राजकाहिनी’ मधील कॉन्ट्रॅक्ट किलर असो किंवा ‘ब्योमकेश ओ चिरियाखाना’ मधील डिटेक्टिव्ह, त्याने प्रत्येक पात्र उत्तमरीत्या निभावले आहे.