बॉलीवूड कलाकार त्यांच्या कामांबरोबरच त्यांच्या वैयक्तिक आयुष्यामुळे नेहमीच चर्चेत असतात. यापैकीच एक कारण म्हणजे त्यांच्या आलिशान गाड्या. अनेक कलाकारांना गाड्यांची आवड आहे आणि ते वरचेवर नवनवीन कार्सही खरेदी करीत असतात. अभिनेता अजय देवगण याने नुकतीच एक नवीन आलिशान गाडी खरेदी केली आहे.
अजय देवगणला गाड्यांची प्रचंड क्रेझ आहे. बऱ्याच वेळा तो, त्याची पत्नी काजोल, त्यांची लेक नीसा महागड्या गाड्यांमधून फिरताना दिसतात. अजयकडे मर्सिडीज, बीएमडब्ल्यू अशा गाड्या आहेत. पण याचबरोबर आता या गाड्यांच्या ताफ्यामध्ये एक नवी कोरी इलेक्ट्रिक कार सामील झाली आहे.
अजय देवगणने नुकतीच BMW i7 ही इलेक्ट्रिक कार खरेदी केली. या कारची शोरूम किंमत १ कोटी ९५ लाख आहे. इलेक्ट्रिक गाडी ट्वायलाइट पर्पल रंगाची आहे. इलेक्ट्रिक गाडीला BMW ची iDrive 8 ऑपरेटिंग सिस्टम तसंच सीटच्या वर रूफ टॉपला स्ट्रीमिंगसाठी Amazon Fire TV सपोर्ट करणारा ३१.३-इंच 8K स्क्रीन बसवला आहे. जो स्क्रीन आपल्याला नको असेल तेव्हा दुमडला जाऊ शकतो
