आलिया भट्ट आणि रणबीर कपूरनंतर आता बॉलिवूडमधील आणखी एक कपल लवकरच आई-बाबा होणार आहेत. अभिनेत्री बिपाशा बासू व अभिनेता करण सिंह ग्रोवर यांच्या घरी नव्या पाहुण्याचं आगमन होणार आहे. बिपाशा-करणने काही महिन्यांपूर्वीच ही आनंदाची बातमी चाहत्यांपर्यंत पोहोचवली. सध्या दोघंही खूप आनंदात आहेत. मध्यंतरी बिपाशाने करणबरोबर रोमँटिक प्रेग्नेंसी फोटोशूट केलं. आता पुन्हा एकदा तिने केलेलं प्रेग्नेंसी फोटोशूट चर्चेचा विषय ठरत आहे. आणखी वाचा - “तुझी नेहमीच आठवण येईल” शरद केळकरच्या ‘त्या’ पोस्टनंतर सेलिब्रिटींनीही वाहिली श्रद्धांजली, नेमकं काय घडलं? बिपाशा आपलं गरोदरपण एण्जॉय करताना दिसत आहे. गरोदरपणा तिने खास फोटोशूट करत तोच फोटो इन्स्टाग्राम अकाऊंटद्वारे शेअर केला आहे. या फोटोमध्ये ती बेबी बंप फ्लॉन्ट करताना दिसत आहे. इतकंच नव्हे तर तिचा या फोटोमधील अगदी बोल्ड लूक पाहून नेटकरीही हैराण झाले आहेत. बिपाशाने सोनेरी रंगाचा गाऊन परिधान करत हे फोटोशूट केलं आहे. यामध्ये तिचं बेबी बंप दिसत आहे. तसेच प्रेग्नेंसीमध्येही ती किती फिट आहे हे दिसून येतं. शिवाय तिच्या बोल्ड लूकने नेटकऱ्यांचं लक्ष वेधून घेतलं आहे. आणखी वाचा - ‘वेडात मराठे वीर दौडले सात’मध्ये मुलाबरोबरच महेश मांजरेकरांनी लेकीलाही दिली काम करण्याची संधी, लूक समोर बिपाशाच्या या फोटोचं अनेक सेलिब्रिटी मंडळींनी कमेंट करत कौतुक केलं आहे. तर नेटकऱ्यांनीही प्रेग्नेंसीमध्ये इतकं बोल्ड फोटोशूट केल्यानंतर तिला ट्रोल करण्यास सुरुवात केली आहे. बिपाशाला या फोटोला काही तासांमध्येच लाखो लाइक मिळाले आहेत.
