“माझ्या पोस्ट बघत राहण्यापेक्षा…”, ऐश्वर्या राय बच्चनचे स्पष्ट वक्तव्य; म्हणाली, “ते उद्धट…”

आता ऐश्वर्या रायने नुकतेच आराध्या स्वत: सोशल मीडियावर आहे का? तसेच तिचे करिअर आणि तिचे खासगी आयुष्य, आतापर्यंतचा प्रवास अशा अनेक गोष्टींवर वक्तव्य केले. रेखा, ऐश्वर्या राय यांच्यासह अनेक कलाकारांनी रेड सी फिल्म फेस्टिव्हलमध्ये हजेरी लावली होती. यावेळी ऐश्वर्या रायने केलेल्या वक्तव्याची चर्चा होत असलेली दिसत आहे.

ऐश्वर्या राय नेमकं काय म्हणाली?

आराध्याचे सोशल मीडियावर अकाउंट असल्याबद्दल ऐश्वर्या राय म्हणाली, “सोशल मीडियावर आमच्या ज्या गोष्टी दिसतात, त्या आम्ही पोस्ट करतो, असे अनेकांना वाटते. पण, तसे नाही. सोशल मीडियावर आराध्याचे अकाउंट नाही. मला वाटते की कोणी चाहता असेल त्याने हे केले आहे. आराध्या, माझ्यावर आणि माझ्या पतीवर असलेल्या प्रेमापोटी त्या चाहत्याने हे केले असावे. तुम्ही सगळ्यांच्या प्रेमासाठी खूप धन्यवाद. पण, आराध्या सोशल मीडियावर नाही”, असे म्हणत ऐश्वर्याने स्पष्ट केले आहे की तिच्या मुलीचे सोशल मीडियावर कोणतेही अकाउंट नाही. ती सोशल मीडियापासून दूर आहे.

ऐश्वर्या असेही म्हणाली, “मी स्वत: सोशल मीडियावर कमी प्रमाणात सक्रिय असते. व्यावसायिकदृष्ट्या मी याचा वापर करते. सोशल मीडियाची ही विशेषता आहे आहे की हे माध्यम आजच्या जीवनातील महत्वाचे माध्यम आहे. आपले काम लोकांपर्यंत पोहोचवण्यासाठी, ज्यांच्याबरोबर आपण काम केले आहे, त्या कंपन्यांबरोबर जोडण्यासाठी, त्यांच्याशी संवाद साधण्यासाठी याचा वापर केला जातो. याचे फायदे खूप आहेत. पण काही तोटेही आहेत. अनेकजण फोनमध्ये सतत व्यग्र असतात.”

पुढे ऐश्वर्या असेही म्हणाली, “सोशल मीडियाच सर्वकाही नाही. जर तुम्हाला वाटत आहे की तुम्ही सोशल मीडियाशिवाय राहू शकत नाही, तर तुम्हाला डिटॉक्स करण्याची गरज आहे. तुम्ही त्यापासून दूर गेले पाहिजे आणि खऱ्या जगात सहभागी झाले पाहिजे. आपल्या आजूबाजूला काय घडत आहे, याची आपल्याला जाणीव असायला हवी. आपल्या आसपासच्या लोकांबरोबर तुम्ही बोलले पाहिजे. तुमच्या समोर जो व्यक्ती आहे,तिच्याशी तुम्ही बोलले पाहिजे. जेव्हा तुमच्यासमोर कोणीतरी व्यक्ती असते आणि तुम्ही तिच्याशी न बोलता फोनमध्ये बघत राहता, ते उद्धट वाटते.”

अभिनेत्री असेही म्हणाली, “जर तुम्हाला माझ्या पोस्ट आवडत नसतील, त्या दिसत नसतील, तर काही हरकत नाही. पण, कृपया तुमच्या आजूबाजूच्या लोकांशी बोला, ते जास्त महत्त्वाचे आहे. बसून फक्त माझ्या पोस्ट बघत राहण्यापेक्षा जर तुम्ही या गोष्टी केल्या तर मला आनंद होईल”, असे म्हणत अभिनेत्रीने तिचे मत व्यक्त केले.