बॉलीवूड अभिनेत्री परिणीती चोप्रा आणि 'आप'चे खासदार राघव चड्ढा यांचा १३ मे रोजी साखरपुडा झाला. मात्र, त्यांच्या साखरपुड्यातील एका गोष्टीवरून चांगलाच वाद निर्माण झाला आहे. अकाल तख्त साहिबचे जथेदार ग्यानी हरप्रीत सिंह या साखरपुड्याच्या कार्यक्रमात सहभागी झाले होते. साखरपुड्यात उपस्थित राहिल्यामुळे जथेदार ग्यानी हरप्रीत सिंह यांना नेटकऱ्यांनी चांगलेच ट्रोल केले आहे. परिणीतीने या नेटकऱ्यांना सडेतोड उत्तर दिले आहे. परिणीती चोप्रा आणि राघव चड्ढा यांनी इन्स्टाग्राम अकाऊंटवर साखरपुड्याचे काही फोटो शेअर केले आहेत. अकाल तख्त साहिबचे जथेदार ग्यानी हरप्रीत सिंह यांच्यासोबतचा एक फोटो शेअर करीत परिणीतीने साखरपुड्याला उपस्थित राहिल्याबद्दल त्यांचे आभार मानले आहेत. हेही वाचा- उर्वशी रौतेलाने कान्स महोत्सवात घातला मगरीच्या डिझाईनचा नेकलेस; तब्बल ‘एवढे’ कोटी आहे किंमत पहिल्या फोटोमध्ये परिणीती आणि राघव अकाल तख्त साहिबचे जथेदार ग्यानी हरप्रीत सिंग यांच्यासमोर हात जोडून उभे असल्याचे दिसत आहे. तसेच परिणीतीने साखरपुड्याच्या कार्यक्रमातील आणखी बरेच फोटो शेअर केले आहेत, ज्यामध्ये ती राघव चढ्ढासोबत दिसत आहे. परिणीतीने कॅप्शनमध्ये लिहिले की, "अकाल तख्त साहिबचे जथेदार ग्यानी हरप्रीत सिंह जी यांचे आशीर्वाद मिळाल्यामुळे खूप छान वाटले. आमच्या साखरपुड्यात त्यांची उपस्थिती आमच्यासाठी खूप महत्त्वाची आहे." अकाल तख्त साहिबचे जथेदार ग्यानी हरप्रीत सिंह १३ मे रोजी परिणीती चोप्रा आणि राघव चड्ढा यांच्या साखरपुड्याच्या कार्यक्रमात उपस्थित होते. जथेदार ग्यानी हरप्रीत सिंह एक धार्मिक गुरू आहेत आणि काही दिवसांपूर्वी पंजाबमधील आप सरकारशी त्यांचे काही मुद्द्यांवरून भांडण झाले होते. त्यानंतरही त्यांनी आपचे खासदार राघव चड्ढा यांच्या साखरपुड्याला उपस्थिती दर्शवल्याने नेटकरी नाराज झाले आहेत. हेही वाचा- Video : “लग्न झालेले पुरुषही बायकोपासून लपवून…”; कपिलच्या ‘त्या’ वाक्याने अभिनेत्री मंदाकिनी लाजल्या, व्हिडीओ व्हायरल परिणीती चोप्रा आणि राघव चड्ढा यांनी १३ मे रोजी दिल्लीच्या कपूरथळा हाऊसमध्ये मोठ्या थाटामाटात साखरपुडा केला. या साखरपुडा समारंभाला दोघांचे जवळचे मित्र आणि कुटुंबीय सहभागी झाले होते. मिळालेल्या माहितीनुसार, साखरपुड्यानंतर आता परिणीती चोप्रा आणि राघव चड्ढा या वर्षी ऑक्टोबर महिन्यात लग्न करण्याची शक्यता आहे.
