Alia Bhatt says motherhood has changed the way I look at everything raha ranbir kapoor | Loksatta

लेकीच्या जन्मानंतर काय बदललं? आलिया भट्ट पहिल्यांदाच प्रतिक्रिया देत म्हणाली, “अभिनेत्री म्हणून माझा….”

आलियाने मातृत्वानंतर तिच्यामध्ये झालेल्या बदलांबाबत भाष्य केलंय.

लेकीच्या जन्मानंतर काय बदललं? आलिया भट्ट पहिल्यांदाच प्रतिक्रिया देत म्हणाली, “अभिनेत्री म्हणून माझा….”
(फोटो – इन्स्टाग्रामवरून साभार)

अभिनेत्री आलिया भट्टने नोव्हेंबर महिन्यात मुलीला जन्म दिला. अलीकडेच आलियाने तिच्यामध्ये मातृत्वानंतर झालेल्या बदलांबाबत भाष्य केलंय. आई झाल्यानंतर अभिनेत्री म्हणून भूमिकेकडे पाहण्याचा दृष्टीकोन कमालीचा बदलला आहे, असं आलियाने म्हटलंय. मातृत्वाने आपल्याला खूप बदलून टाकलं आहे. पण याचा माझ्या भूमिका निवडण्यावर कसा बदल होईल, याबाबत आपण विचार करत नसल्याचं तिने म्हटलंय.

‘ऑस्कर’ आणि ‘बाफ्टा’च्या कँपेनमध्ये तिने आई झाल्यानंतर पहिल्यांदाच मुलाखत दिली. या मुलाखतीत तिने आई झाल्यानंतर आलेल्या अनुभवांबद्दल भाष्य केलंय. भविष्यात तिच्या चित्रपटांची निवड करण्याच्या पद्धतीवर मातृत्वाचाही परिणाम होईल का? असं विचारलं असता आलिया म्हणाली, माझ्या अभिनयातील भूमिका बदलल्या नाहीत, पण प्रत्येक गोष्टीकडे पाहण्याचा माझा दृष्टिकोन नक्कीच बदलला आहे. मला वाटतं की माझं मन पूर्वीपेक्षा थोडं अधिक मोकळं झालंय. पण मला माहीत नाही की ते काय बदल घडवून आणणार आहे. पण पुढला प्रवास कसा होतो, पाहण्यासाठी मी उत्सुक आहे, असं तिने नमूद केलं.

दरम्यान, बॉलिवूड अभिनेता रणबीर कपूर आणि आलिया भट्ट १४ एप्रिल रोजी विवाहबंधनात अडकले होते. त्यानंतर २ महिन्यांनी त्यांनी आई-बाबा होणार असल्याची घोषणा केली होती. दोघांच्याही घरी ६ नोव्हेंबर रोजी चिमुकल्या परीचं आगमन झालं. आलियाने गिरगावातील ‘एच.एन.रिलायन्स’ रुग्णालयात एका गोंडस मुलीला जन्म दिला होता. त्यांनी त्यांच्या लेकीचं नाव राहा कपूर ठेवलं आहे.

मराठीतील सर्व बॉलीवूड ( Bollywood ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 07-12-2022 at 15:42 IST
Next Story
“…म्हणूनच आम्ही अलिबागमध्ये घर खरेदी केले” रणवीर सिंगने केला खुलासा