"मी काही क्लर्क नाही…", अमिताभ बच्चन यांच्या 'त्या' सवयीमुळे राजेश खन्ना म्हणालेले असं काही की…

Amitabh Bachchan and Rajesh Khanna : "हा चित्रपट माझा आहे की यांचा?", राजेश खन्ना अमिताभ बच्चन अप्रत्यक्षपणे म्हणालेले...; 'आनंद' चित्रपटाच्या सेटवर नेमकं काय घडलेलं? वाचा...

amitabh bachchan and rajesh khanna clash over discipline on anand movie sets old story

अमिताभ बच्चन आणि राजेश खन्ना (फोटो सौजन्य : इंडियन एक्स्प्रेस)

Amitabh Bachchan and Rajesh Khanna Throwback Story : अमिताभ बच्चन यांनी गेली अनेक दशकं आपल्या अभिनयाने प्रेक्षकांचे मनोरंजन केले आहे. आजही ते प्रेक्षकांचे मनोरंजन करतच आहेत. अमिताभ बच्चन हे अनेकांचे आवडते कलाकार असण्याचे कारण म्हणजे त्यांचा अभिनय तर आहेच, पण अभिनयाशिवाय त्यांची शिस्त, वक्तशीरपणा आणि कामाप्रती असलेली निष्ठा; यामुळेही ते त्यांची लोकप्रियता टिकवून आहेत. पण एक काळ असाही होता, जेव्हा त्यांच्या याच सवयींमुळे त्यांचे सहकलाकार त्यांच्यावर नाराज व्हायचे.

हा किस्सा १९७१ मधील ‘आनंद’ चित्रपटाच्या वेळचा…. तेव्हा राजेश खन्ना बॉलीवूडचे पहिले सुपरस्टार होते आणि ते यशाच्या शिखरावर होते; तर दुसरीकडे अमिताभ बच्चन इंडस्ट्रीत स्वतःची ओळख निर्माण करण्यासाठी प्रयत्न करत होते. चित्रपटाच्या सेटवर अमिताभ वेळेपूर्वीच पोहोचायचे, तर राजेश खन्नांना मात्र उशीर व्हायचा. अनेकदा अमिताभ तासनतास सेटवर वाट पाहत राहायचे, पण त्यांनी याची कधीच तक्रार केली नाही.

अमिताभ यांची हीच सवय राजेश खन्ना यांना खटकू लागली होती. जनसत्ताने दिलेल्या वृत्तानुसार वीरेंद्र कपूर यांच्या ‘Excellence: The Amitabh Bachchan Way’ या पुस्तकात एका मुलाखतीत जेव्हा खन्ना यांची तुलना अमिताभ यांच्याशी करण्यात आली, तेव्हा ते संतापले. ते म्हणाले होते, “क्लर्क लोक वेळेचे पाबंद असतात, मी काही क्लर्क नाही… मी एक कलाकार आहे, माझे मन कोणाचे गुलाम नाही, मी माझ्या मर्जीचा मालक आहे.”

याशिवाय कॅमेरा वारंवार अमिताभ यांच्यावर जात असल्यामुळेही राजेश खन्ना यांना त्रास झाला होता. ‘आनंद’च्या सेटवर जेव्हा दिग्दर्शक वारंवार अमिताभ यांचे क्लोज-अप शॉट्स घेत होते, तेव्हा खन्ना उपहासाने म्हणाले होते की, “बाबू मोशाय, हा चित्रपट माझा आहे की यांचा?”

दरम्यान, राजेश खन्ना यांचे वर्चस्व वादातीत होते; मात्र काळाच्या ओघात ते टिकू शकले नाही. १९७३ मध्ये ‘जंजीर’ चित्रपटाच्या प्रचंड यशानंतर अमिताभ बच्चन यांनी हिंदी सिनेमाची समीकरणेच बदलली. एकीकडे राजेश खन्ना यांचे चित्रपट फ्लॉप होऊ लागले होते तर दुसरीकडे अमिताभ बच्चन आपल्या अभिनयाने प्रेक्षकांच्या मनावर राज्य करू लागले होते.

हेही वाचा

“पुढचे एक वर्ष तरी हा चित्रपट…”, ‘हेरा फेरी ३’बाबत अक्षय कुमारने दिली महत्त्वाची अपडेट; म्हणाला, “दुर्दैवाने…”

राजेश खन्ना यांची लोकप्रियता कमी होऊ लागली, तेव्हा त्यांना ते सहन झाले नाही. राजेश खन्ना यांना अपयश पचवणे कठीण झाले होते. चाहते त्यांच्यावर प्रेम करत होते; पण प्रेक्षकांना अमिताभ बच्चन यांचे कामही आवडू लागले होते. याबद्दल नुकतेच प्रेम चोप्रा यांनी विक्की ललवानी यांना दिलेल्या मुलाखतीत प्रतिक्रिया दिली.

हेही वाचा

“गाडी चालवत असताना मला…”, प्रिया बेर्डेंनी सांगितला भीतीदायक अनुभव; नेमकं काय घडलं होतं? म्हणाल्या, “त्या क्षणी…”

प्रेम चोप्रा यांनी सांगितले की, राजेश खन्ना यांनी कधीही आपला संघर्ष जाणवू दिला नाही; पण इंडस्ट्रीला त्याची जाणीव होती. एक काळ असा होता की ते यशाच्या शिखरावर होते, त्यामुळे अचानक आलेले अपयश स्वीकारणे त्यांना जमत नव्हते. याच परिस्थितीशी जुळवून घेण्याच्या प्रयत्नात त्यांना दारूचे व्यसन लागले.

“मी काही क्लर्क नाही…”, अमिताभ बच्चन यांच्या ‘त्या’ सवयीमुळे राजेश खन्ना म्हणालेले असं काही की…