बॉलिवूडचे स्टार किड्स सध्या कोणत्या ना कोणत्या कारणाने चर्चेत असतात. त्यातलीच एक म्हणजे अनन्या पांडे. ती सोशल मीडियावर नेहमीच सक्रीय असते. अनेकदा आपल्या बोल्ड लूकमुळे ती चर्चेचा विषय ठरत असते. पण आता मात्र एका वेगळ्याच कारणाने सर्वांचं लक्ष तिच्याकडे वळलं आहे. ती अलीकडेच ITA अवॉर्ड फंक्शनमध्ये बोल्ड ड्रेस परिधान करून पोहोचली होती. अनन्याचा लूक खूपच आकर्षक होता पण गर्दीत बोल्ड ड्रेस परिधान करणं तिला चांगलंच महागात पडलं. अनन्या पांडेने एक लाल रंगाचा अत्यंत बोल्ड ड्रेस परिधान करून या अवॉर्ड फंक्शला हजेरी लावली. अनन्याने लाल रंगाचा शॉर्ट टॉप आणि गुलाबी रंगाचा हाय स्लिट स्कर्ट परिधान केला होता. जेव्हा ती कॅमेऱ्यासमोर स्वतःची झलक दाखवत मीडिया फोटोगरफार्सना फोटो देण्यासाठी पोहोचली तेव्हा तिची फजिती झाली. हेही वाचा : ‘या’ ठिकाणी कियारा अडवाणी-सिद्धार्थ मल्होत्रा होणार विवाहबद्ध, तारीखही ठरली अनन्या जेव्हा कॅमेऱ्यासमोर तिची बोल्ड स्टाईल दाखवण्यासाठी पोहोचली तेव्हा तिच्या टॉपचा पट्टा घसरला. तिची स्टायलिस्ट धावत आली आणि कॅमेऱ्यासमोर अनन्याचा टॉप नीट करू लागली. खचाखच भरलेल्या त्या सोहळ्यात अनन्याच्या ड्रेसमुळे तिला त्रास झाला. आणखी वाचा : ओरहान अवत्रमणीशी असलेल्या अफेअरच्या चर्चांवर अखेर जान्हवी कपूरने सोडले मौन; म्हणाली, “आम्ही दोघं…” यावेळचा व्हिडीओ सध्या चांगलाच व्हायरल होत आहे. यामुळे ती सोशल मीडियावर ट्रोल होत आहे. नेटकऱ्यांनी अनन्या पांडेवर उर्फी जावेदच्या डिझाइनची कॉपी केल्याचा आरोपही केला. तर काही लोक अनन्या पांडेच्या फोटोंना अंग प्रदर्शनावरून ट्रोल करताना दिसले.
