scorecardresearch

Premium

Animal चा वाद पोहचला संसदेत! खासदार म्हणाल्या, “माझी मुलगी रडत रडत….”

Animal Movie : काँग्रेसच्या खासदार रंजीत रंजन यांनी सिनेमातल्या हिंसाचारावर आणि रक्तपातावर आक्षेप घेतला आहे.

Animal made my daughter cry Said Ranjeet Ranjan
काँग्रेस खासदार रंजीत रंजन यांनी चित्रपटाबाबत व्यक्त केला राग

Animal हा सिनेमा १ डिसेंबरला प्रदर्शित झाला आहे. या सिनेमावरुन उलटसुलट प्रतिक्रिया समोर येत आहेत. अॅनिमल सिनेमात रणबीर कपूर, रश्मिका मंदाना, बॉबी देओल, दिप्ती डिमरी, अनिल कपूर यांच्या प्रमुख भूमिका आहेत. या सिनेमावरुन काही वाद निर्माण झाले आहेत. अशात या सिनेमाचा वाद आता थेट संसदेत पोहचला आहे. काँग्रेस खासदार रंजीत रंजन यांनी माझी मुलगी चित्रपटाच्या मध्यातूनच थिएटरमध्ये बाहेर पडल्याचं म्हटलं आहे.

काय म्हटलं आहे रंजीत रंजन यांनी?

रंजीत रंजन म्हणाल्या, “सिनेमा हा समाजमनाचा आरसा असतो. आम्हीही लहान असल्यापासून सिनेमा पाहत आलो आहे. मात्र आत्ता जे चित्रपट येत आहेत त्यांचा तरुणाईवर गंभीर परिणाम होतो आहे. ‘कबीर सिंग’, ‘अॅनिमल’, ‘पुष्पा’ यांसारख्या चित्रपटांमधून तरुणाईला काय शिकायला मिळेल? माझ्या मुलीच्या महाविद्यालयात अनेक मैत्रिणी आहेत, ज्या महाविद्यालयात दुसऱ्या वर्षात शिकत आहेत. चित्रपट पाहताना माझ्या मुलीला रडू कोसळलं आणि ती मधेच उठून निघाली. चित्रपटात महिलांचा विनयभंग दाखवण्यात आला आहे. हिंसा तर इतक्या मोठ्या प्रमाणावर आहे. तेच तिला पटलं नाही.”

Devendra Fadnavis on BJP Workers
‘भाजपाच्या ९० टक्के कार्यकर्त्यांना काहीच मिळणार नाही’, काँग्रेस नेत्यांच्या पक्षप्रवेशावर देवेंद्र फडणवीस स्पष्टच म्हणाले…
Raksha Khadase
“एकनाथ खडसेंनी पुन्हा भाजपात यावं”, रक्षा खडसेंचं विधान चर्चेत, म्हणाल्या, “वरच्या पातळीवर…”
congress leaders, remembering Vilasrao deshmukh
‘साहेब’ तुम्ही हवे होतात…पडझडीच्या काळात काँग्रेस नेत्यांना विलासरावांची आठवण
Devendra Fadnavis Comment on Congress
‘भाजपा फोडाफोडी करुन जिंकते’, काँग्रेसच्या आरोपावर देवेंद्र फडणवीस म्हणाले, “तिथली पुण्याई सोडून नेते..”

रंजीत रंजन यांनी कबीर सिंगचीही दिलं उदाहरण

रंजीत रंजन यांनी संदीप रेड्डी वांगाच्या कबीर सिंगचंही उदाहरण दिलं. त्या म्हणाल्या, “‘कबीर सिंग’ मधूनही काय सांगितलं आहे? तो ज्या पद्धतीने वागतो ते योग्य आहे म्हणायचं का? लोकांशी तो कसा वागतो? पत्नीशी कसा वागतो? त्याचं समर्थन होतंय. हा विषय विचार करायला भाग पाडणारा आहे. चित्रपटात दाखवण्यात आलेल्या हिंसक दृश्यांचा महाविद्यालयीन मुलांवर काय परिणाम होतो? तर ते अशा भूमिकांना आदर्श मानू लागतात. त्यामुळे समाजातही अशी हिंसा दिसून येते.” असं म्हणत रंजीत रंजन यांनी त्यांच्या भावना व्यक्त केल्या.

Animal या सिनेमात हिरो महाविद्यालयात मशीनगन घेऊन जाताना दाखवला आहे. त्याला कुठलाही कायदा आड येत नाही. दोन कुटुंबातली लढाई, तिरस्कार हे सगळं काय दर्शवत आहेत? जे काही सिनेमात दाखवण्यात आलं आहे ते चुकीचं आहे. सेन्सॉर बोर्ड अशा सिनेमांना प्रमाणपत्र कसं काय देतो? अशा चित्रपटांना आपल्या समाजात काही स्थानच नको असंही रंजीत रंजन यांनी म्हटलं आहे.

Latest Comment
View All Comments
Post Comment

मराठीतील सर्व बॉलीवूड बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Animal made my daughter cry is disrespectful to sikh sentiments congress mp ranjeet ranjan in rajya sabha scj

First published on: 08-12-2023 at 13:57 IST

संबंधित बातम्या

तुम्ही या बातम्या वाचल्या आहेत का? ×