Video: आता पुढचं लग्न अर्जुन कपूरचं? अंशुला कपूरच्या हातातील ‘कलीरा’ पडताच अभिनेत्याने दिलेली प्रतिक्रिया व्हायरल

अंशुला कपूर आणि रोहन ठक्कर यांचे आज, ६ जुलै रोजी लग्न झाले आहे. मागील आठवड्यापासून कपूर घराण्यामध्ये लग्नाची जोरदार तयारी सुरू झाली असून लग्नापूर्वीच्या विधींना सुरुवात झाली आहे. लग्नापूर्वीच्या विविध कार्यक्रमांची लगबग सुरू असून तिचा मेंदी आणि ‘चुडा’ भरण्याचा समारंभ पार पडला आहे. या सोहळ्यातील विविध फोटो आणि व्हिडीओ सोशल मीडियावर व्हायरल झाले आहेत. आता अंशुलाने तिच्या ‘चुडा’ समारंभातील एक मजेशीर व्हिडीओ शेअर केला आहे. यामध्ये तिच्या हातातील ‘कलीरा’ (हातातील बांगड्यांना बांधलेला पारंपरिक दागिना) थेट अर्जुन कपूरवर पडताना दिसला आहे. तिने खास कॅप्शनसह हा व्हिडीओ शेअर केला असून यानंतर अर्जुनच्या चेहऱ्यावर आनंद दिसून आला आहे.

अर्जुन कपूरच्या लग्नाचा बहिणीच्या लग्नात मिळाला संकेत

अंशुलाने शेअर केलेल्या व्हिडीओमध्ये तिचे सर्व भाऊ-बहीण खाली बसले असून अंशुला तिच्या हातातील चुडा प्रत्येकाच्या डोक्यावर नेऊन हलवत आहे. या कलीरामधील एखादा तुकडा जर कोणाच्या अंगावर पडला तर त्याचे लवकरच लग्न होते असा लोकांचा समज आहे. अंशुला हा विधी करत असताना यामध्ये खाली लोकप्रिय सेलिब्रिटी ओरीदेखील बसलेला दिसून येत आहे. अंशुलाच्या या व्हिडीओमध्ये अर्जुन कपूरच्या डोक्यावर या कलीरामधील एक भाग तुटून पडल्याचे दिसून आले आहे, यामुळे सर्वांनी आनंद व्यक्त केला आहे. मेंदी व चुडाच्या या कार्यक्रमासाठी अर्जुनने हिरव्या रंगाचा डिझायनर कुर्ता स्टाईल केला आहे.

अर्जुन कपूरवर कलीरा पडल्यानंतर त्याने आनंद व्यक्त केला आहे. त्याच्या चेहऱ्यावर तो आनंद स्पष्टपणे दिसून येत असून अंशुलाने देखील त्याला इतरांपेक्षा सर्वात जास्त आनंदी व्यक्ती म्हणून चिडवले आहे. चुडामधील पडलेल्या या कलीराचा तुकडा अर्जुन कपूर खूप आनंदाने मिरवत असल्याचे दिसून येत आहे. तसेच बहीण खुशी कपूरने तो कलीरा त्याच्या कुर्त्यावर अडकवला असल्याचे दिसून आले आहे. व्हायरल व्हिडीओमध्ये अर्जुन कपूर त्याचा आनंद साजरा करत असल्याचे दिसून आले आहे. यावर नेटकऱ्यांनी कमेंट्स करत त्याचे लग्न कधी होणार असे प्रश्न विचारले आहेत.

अर्जुन कपूरच्या या व्हिडीओवर एका नेटकऱ्याने कमेंट करत लिहिले, ‘हा आनंद मी समजू शकतो’, तर दुसऱ्याने लिहिले, ‘अर्जुनच्या चेहऱ्यावरचा आनंद दिसतोय.’ ‘कुटुंबातील एक सुंदर क्षण आणि विवाह सोहळा,’ असेदेखील एका नेटकऱ्याने लिहिले आहे. एका नेटकऱ्याने मलायका अरोराचे नाव घेत, ‘मलायका कुठे आहे,’ असा प्रश्न विचारला आहे. अर्जुन कपूरच्या या व्हायरल व्हिडीओवर करण जोहरच्या ‘धर्मा प्रोडक्शन’च्या ऑफिशियल अकाउंटवरूनही कमेंट करण्यात आली आहे. ‘एक प्रेम कहानी लकरच सुरू होणार आहे’, अशी सूचक कमेंट केली आहे. त्यासह रिद्धिमा कपूर हिने रेड हार्ट इमोजी तर भूमी पेडणेकर हिने ‘खूप गोड…’ अशा कमेंट्स केल्या आहेत.

अर्जुन कपूर व मलायका अरोराचे रिलेशनशीप चर्चेत

अर्जुन कपूर हा त्याच्या वैयक्तिक आयुष्यामुळे चर्चेमध्ये राहिला आहे. अर्जुन हा अभिनेत्री मलायका अरोरा हिच्यासह रिलेशनशीपमध्ये होता. अर्जुन व मलायका हे एकत्र लिव्ह-इनमध्येही राहत होते. तिच्यापेक्षा ११ वर्षांनी लहान असलेल्या अर्जुन कपूरचे रिलेशन जोरदार चर्चेमध्ये होते. सहा वर्षे एकमेकांना डेट केल्यानंतर २०२४ मध्ये त्यांनी वेगळे होण्याचा निर्णय घेतला. ब्रेकअपनंतरही अर्जुन व मलायका हे चांगले मित्र असून एकमेकांचा आदर करताना दिसून येतात.