आजही बॉलीवूड अभिनेत्री कितीही पुढारलेल्या असल्या तरी ऑनस्क्रीन न्यूड सीन देणे टाळतात. मात्र, ७० च्या दशकात अशी एक अभिनेत्री होती जिने चित्रपटांमध्ये न्यूड सीन देऊन खळबळ माजवली होती. ७० च्या काळात अभिनेत्री साडी आणि सलवार सूट घालत होत्या. मात्र, अभिनेत्री सिमी गरेवाल यांनी चित्रपटात न्यूड सीन देत सगळ्यांना आश्चर्यांचा धक्का दिला होता. आपल्या बोल्ड इमेजमुळे सिमी गरेवाल चांगल्याच चर्चेत आल्या होत्या.
हेही वाचा- खऱ्या आयुष्यात विकी कौशलने कतरिनाचा मार खाल्लाय का? कपिल शर्माचा प्रश्न ऐकताच अभिनेता म्हणाला….
सिमी गरेवाल यांनी ‘मेरा नाम जोकर’ (१९७०) चित्रपटात एक सीन चित्रीत केला होता. राज कपूर यांच्या या चित्रपटात सिमी यांना झुडपांच्या मागे कपडे बदलताना दाखवण्यात आले होते. या सीनची खूप चर्चा झाली कारण ७० च्या दशकात असा सीन देणं खूप बोल्ड मानलं जात होतं.
हेही वाचा- सोनाक्षी सिन्हाने मुंबईत खरेदी केले नवीन आलिशान घर; फोटो शेअर करीत दाखवली फ्लॅटची झलक
‘मेरा नाम जोकर’नंतर सिमी गरेवाल यांनी १९७२ मध्ये प्रदर्शित झालेल्या ‘सिद्धार्थ’ चित्रपटात न्यूड सीन देऊन खळबळ उडवून दिली होती. मीडिया रिपोर्ट्सनुसार, बॉलीवूडच्या इतिहासातील हा पहिला न्यूड सीन होता. या सीनमध्ये सिमी यांना शशी कपूर यांच्यासमोर नग्नावस्थेत आणि हात जोडलेले दाखवण्यात आले होते. अनेक प्रसिद्ध इंग्रजी मासिकांमध्ये या सीनची चर्चा झाली होती. या सीनमुळे बरेच वादही निर्माण झाले होते. त्यामुळे या चित्रपटावर भारतातही बंदी घालण्यात आल्याचे सांगण्यात येते.
सिमी गरेवाल यांनी अनेक बॉलीवूड चित्रपटांमध्ये काम केले असले तरी त्यांना पाहिजे तसे यश मिळाले नाही. सिमी गरेवाल यांनी १९८८ मध्ये सिनेसृष्टीला रामराम ठोकला. त्यानंतर १९९७ मध्ये त्या ‘Rendezvous with Simi Garewal’ या टॉक शोमुळे चर्चेत आल्या. आजही हा शो प्रचंड लोकप्रिय म्हणून ओळखला जातो. या कार्यक्रमातील अनेक व्हिडीओ आजही सोशल मीडियावर व्हायरल होत असतात. सध्या सिमी या सिनेसृष्टीपासून दूर असल्या तरी त्या सोशल मीडियावर कायमच चर्चेत असतात.
