बॉलिवूडचा पुढील जनरेशनचा सुपरस्टार म्हणून रणबीर कपूरकडे फार आशेने पाहिलं जातं. गेल्यावर्षी रणबीरचा ‘शमशेरा’ चांगलाच आपटला पण ‘ब्रह्मास्त्र’ने मात्र सगळं भरून काढलं. ‘ब्रह्मास्त्र’ सुपरहीट झाला आणि काहीच महिन्यात रणबीर आणि अलियाला कन्यारत्न झाल्याची बातमी समोर आली. नुकताच त्याच्या ‘ॲनिमल’ या चित्रपटाचा लूक समोर आला आहे. यावर बरीच चर्चा झाली आहे आता त्याच्या नवीन चित्रपटाचा ट्रेलर प्रदर्शित झाला आहे. रणबीर कपूर आणि अभिनेत्री श्रद्धा कपूर यांचा 'तू झूठी मैं मक्कार’चा ट्रेलर आज प्रदर्शित झाला. गेल्या अनेक दिवसांपासून या रोमँटिक कॉमेडी चित्रपटाच्या ट्रेलरची चर्चा सुरु होती. आज अखेर एका कार्यक्रमात या चित्रपटाचा ट्रेलर प्रदर्शित करण्यात आला. या ट्रेलरला प्रेक्षकांचा चांगला प्रतिसाद मिळतो आहे. या चित्रपटाचा ट्रेलर लाँच सोहळा नुकताच पार पडला. यावेळी पत्रकारांनी रणबीरला काही प्रश्न विचारले. सुनील शेट्टीची लेक आता होणार केएल राहुलची पत्नी; तिच्याबद्दलच्या ‘या’ गोष्टी ठाऊक आहेत का? एका पत्रकाराने विचारले, 'ये जवानी है दिवानी' नंतर रणबीर 'तू झुठी मैं मकर' सारखा रोम कॉम चित्रपट करत आहे काय सांगशील? त्यावर अभिनेत्याने उत्तर दिले, "ये जवानी है दिवानी' नंतर मी अशा प्रकारचा चित्रपट केला नाही कारण अनुभवासाठी मला वेगवेगळ्या प्रकारचे चित्रपट करावे लागले. जर हा चित्रपट चालला तर मी अशाप्रकारचे चित्रपट करिन पण जर चित्रपट चालला नाही दिग्दर्शकाचा दोष आहे असे समजेन." अशी प्रतिक्रिया त्याने दिली. https://www.youtube.com/watch?v=Cx_Dtwn4ayw&ab_channel=T-Series दरम्यान, रणबीर-श्रद्धाचा हा चित्रपट ८ मार्च २०२३ म्हणजेच होळीच्या दिवशी चित्रपटगृहांमध्ये प्रदर्शित होणार आहे. लव रंजन आणि अंकुर गर्ग ‘तू झूठी मैं मक्कार’या चित्रपटाचे निर्माते असून याचं दिग्दर्शन लव रंजन यांनी केलं आहे.
