एपस्टीन फाइल्समध्ये नाव आल्याच्या चर्चांवर अनुराग कश्यपने अखेर मौन सोडले; म्हणाला, “माझ्या आयुष्यात…”

द इंडियन एक्सप्रेसच्या वृत्तानुसार, अनुराग कश्यपचे नाव एप्सटीन फाइल्ससंबंधित एका ई-मेलमध्ये अनुराग कश्यपचा उल्लेख ‘Bollywood Guy’ आणि ‘एक ‘Famous Bollywood Director’ म्हणून केला आहे. मेलनुसार, २०१७ मध्ये त्याला बीजिंगमध्ये एपस्टीनशी संबंधित एका कार्यक्रमासाठी आमंत्रित केले होते. या ई-मेलचा स्क्रीनशॉट रेडिट आणि एक्स सारख्या माध्यामांवर मोठ्या प्रमाणात शेअर केला गेला आहे. याप्रकरणी अनुराग कश्यपने नुकतीच प्रतिक्रिया दिली आहे. त्याने या प्रकरणाशी माझा काहीच संबंध नसल्याचं म्हटलं आहे

हिंदुस्तान टाइम्सशी बोलताना त्याने म्हटलं, “मला याबद्दल काहीच माहिती नाही. मला प्रत्येक महिन्याला वक्ता म्हणून अशी १५ आमंत्रणे येतात. पण मी क्वचितच प्रतिसाद देतो. तसेच, मी माझ्या आयुष्यात कधीही बीजिंगला गेलो नाही.”

अनुरागने हेदेखील सांगितले की, असे ई-मेल विश्वासार्ह वाटत नाहीत. त्याच्या मते, हा एक सामान्य ई-मेल आहे. त्याने हेदेखील सांगितले की, त्याच्या नावावर बनणाऱ्या क्लिकबेट बातम्या त्याच्या चित्रपटांपेक्षा जास्त प्रसिद्ध होतात. हे असंच काहीसं असेल.

अनुराग कश्यपचे चित्रपट आंतरराष्ट्रीय चित्रपट महोत्सवांमध्ये दाखवले जात आहेत आणि त्यांची ओळख एक जागतिक चित्रपट निर्माता म्हणून आहे. आपल्या चित्रपटांमुळे चर्चेत असलेला अनुराग या एपस्टीन फाइल्समधील नावामुळे चर्चेत आला. मात्र याबद्दल आपल्याला काहीच माहीत नसल्याचं त्याने सांगितलं आहे.

अनुराग कश्यपचे ‘गँग्स ऑफ वासेपूर’, ‘रमन राघव 2.0’, ‘अगली’ आणि ‘केनेडी’ यांसारखे चित्रपट कान्समध्ये प्रदर्शित झालेत. तसंच व्हेनिस आणि टोरंटोसारख्या मोठ्या चित्रपट महोत्सवांमध्येही त्याच्या कलाकृती दाखवल्या गेल्या आहेत.

View this post on Instagram

A post shared by tejInder singh khamkha (@khamkhaphotoartist)

अनुराग कश्यपच्या कामाबद्दल सांगायचं झाल्यास, त्याने शेवटचं ‘निशांची’ नावाच्या चित्रपटाचे दिग्दर्शन केलं आहे. लवकरच त्याचा ‘केनेडी’ नावाचा नवीन चित्रपट येणार असून तो सध्या या चित्रपटाच्या भारतातील प्रदर्शनाच्या कामात आहे. २०२३ मध्ये कान्स चित्रपट महोत्सवात प्रीमियर झाल्यानंतर हा चित्रपट अनेक आंतरराष्ट्रीय चित्रपट महोत्सवांमध्ये दाखवला गेला. त्यानंतर आता तो या महिन्याच्या अखेरीस भारतात प्रदर्शित होणार आहे.