Chhaava Trailer : “हम शोर नही करते, सिधा शिकार करते हैं…”, असे एकापेक्षा एक भारदस्त संवाद, मराठा साम्राज्य, छत्रपती संभाजी महाराजांनी स्वराज्यासाठी दिलेला लढा अशा सगळ्या गोष्टी ‘छावा’ चित्रपटाच्या ३ मिनिटं ८ सेकंदाच्या ट्रेलरमध्ये पाहायला मिळतात. छत्रपती संभाजी महाराजांची शौर्यगाथा सांगणाऱ्या ‘छावा’ चित्रपटाबद्दल गेल्या अनेक दिवसांपासून प्रेक्षकांच्या मनात उत्सुकता निर्माण झाली होती. अखेर टीझर, पोस्टरनंतर ‘छावा’ सिनेमाचा बहुप्रतीक्षित ट्रेलर प्रदर्शित झाला आहे.

विकी कौशलने ट्रेलर प्रदर्शित होण्यापूर्वी दादरच्या सिद्धीविनायक मंदिरात बाप्पाचं दर्शन घेतलं. यानंतर ‘छावा’ चित्रपटाचा भव्य ट्रेलर लाँच सोहळा पार पडला. छत्रपती संभाजी महाराजांची भूमिका रुपेरी पडद्यावर साकारणं ही विकीसाठी मोठी गोष्ट होती. या भूमिकेसाठी त्याने दिवसरात्र मेहनत घेतली होती. याची झलक ट्रेलरमध्ये स्पष्टपणे पाहायला मिळतेय. हा जवळपास ३ मिनिटांचा ट्रेलर प्रेक्षकांना शेवटपर्यंत खिळवून ठेवतो.

sequel of Ghajini film Allu Arvind Aamir khan
‘गजनी’चा सिक्वेल येणार ? ‘तंडेल’ चित्रपटाच्या ट्रेलर लॉंच निमित्ताने अल्लू अरविंद आणि आमिर यांची भेट; महत्वाची अपडेट आली समोर. . .
मुख्यमंत्रीपद नाही आणि महत्त्वाचं गृहखातंही नाही यामुळे शिंदेंच्या नाराजीत भरच पडली. (फोटो सौजन्य पीटीआय)
Maharashtra Politics : नाराज एकनाथ शिंदे भाजपासाठी अडचणीचे?
Junaid khan says he releasing film on youtube is best
थिएटर व OTT च्या वादावर आमिर खानचा मुलगा म्हणाला, “चित्रपट युट्यूबवर मोफत…”
Chhava controversy
छत्रपती संभाजी महाराजांच्या आयुष्यावर बेतलेल्या ‘छावा’ चित्रपटातली ती दृश्यं का कापली जाणार?
Controversy About These Movies
Controversy : ‘छावा’च नव्हे ‘या’ चित्रपटांमधल्या दृश्यांवरही जोरदार आक्षेप; वादाचं ग्रहण लागलेले चित्रपट कुठले?
Chhaava Movie Controversy Political Reactions Udayanraje Bhosale sambhajiraje Chhatrapati
ऐतिहासिक चित्रपट, वादग्रस्त दृष्य व राजकीय वाद,’छावा’च्या बाबतीत नेमकं काय घडतंय?
marathi actor shares his opinion on chhaava movie
“लहान तोंडी मोठा घास, पण…”, ‘छावा’चा ट्रेलर पाहून मराठी अभिनेत्याने व्यक्त केली ‘ती’ खंत; विकी कौशलबद्दल म्हणाला…
udayanraje Bhosle called chhava director laxman utekar
‘छावा’तील ‘ती’ दृश्ये बदलणार? उदयनराजेंनी थेट फोन केल्यावर दिग्दर्शक म्हणाले, “चित्रपटामध्ये फक्त आपले राजे…”

मराठा साम्राज्याची भव्यता, छत्रपती संभाजी महाराजांनी दिलेला लढा याशिवाय “हे राज्य व्हावे ही श्रींची इच्छा!”, “जय भवानी”, “मौत के घुंघुरु पहन कें नाचते हैं हम औरंग”, “छत्रपती शिवाजी महाराज को शेर कहते है, और शेर के बच्चे को छावा” असे अनेक अंगावर शहारा आणणारे संवाद ट्रेलरमध्ये लक्ष वेधून घेतात. या सिनेमात रश्मिका मंदानाने महाराणी येसूबाईंची भूमिका साकारली आहे. लढाई करताना विकीचा रुद्रावतार पाहायला मिळतो. चहुबाजूंनी ‘हर हर महादेव’च्या शिवगर्जना सुरू होतात. सिनेमाच्या ट्रेलरमधली अनेक दृश्य पाहताना अंगावर काटा येतो.

एकीकडे महाराजांचा पराक्रम, शौर्यगाथा पाहायला मिळत असतानाच, दुसरीकडे औरंगजेब महाराजांना रोखण्यासाठी योजना आखत असल्याचं पाहायला मिळत आहे. बहुप्रतीक्षित ‘छावा’ चित्रपट येत्या १४ फेब्रुवारीला प्रेक्षकांच्या भेटीला येणार आहे. चित्रपटात विकीसह दाक्षिणात्य अभिनेत्री रश्मिका मंदाना महाराणी येसूबाईंची भूमिका साकारणार आहे. याशिवाय अनेक संतोष जुवेकर, शुभंकर एकबोटे यांसारखे मराठी कलाकार सुद्धा या चित्रपटात महत्त्वपूर्ण भूमिकेत झळकणार आहेत. तर, ‘छावा’मध्ये औरंगजेबच्या भूमिकेत अभिनेता अक्षय खन्ना दिसेल.

दरम्यान, ‘छावा’ चित्रपटाचं दिग्दर्शन लक्ष्मण उतेकर यांनी केलं आहे. २०२३ रोजी प्रदर्शित झालेल्या ‘जरा हटके जरा बचके’ या रोमँटिक कॉमेडी चित्रपटानंतर विकी आणि लक्ष्मण उतेकर यांचा हा एकत्रित दुसरा चित्रपट आहे.

Story img Loader