पत्नीबरोबर शारीरिक संबंध नाही, निम्म्या वयाच्या तरुणींबरोबर अफेअर्स; बॉलीवूड अभिनेत्याबद्दल महिला गुप्तहेराचा धक्कादायक खुलासा

तान्या पुरी ही एक प्रायव्हेट महिला गुप्तहेर आहे. तिचे वडीलही गुप्तहेर आहेत. तान्याला तिच्या वडिलांकडूनच ट्रेनिंग मिळालंय. तान्या लग्नानंतर जोडीदारांचे अफेअर आणि बॅकग्राउंड व्हेरिफिकेशन अशा प्रकरणांचा तपास करते. तान्या पुरीने पॉडकास्टमध्ये सांगितलेल्या एका धक्कादायक प्रकरणाची सध्या खूपच चर्चा होत आहे. तान्याने अनेक बॉलीवूड सेलिब्रिटींसाठीही काम केलं आहे.

बॉलीवूड अभिनेत्याच्या पत्नीने दिलेलं काम

तान्या पुरी करण जोहरच्या द ट्रेटर्स २ मध्ये स्पर्धक म्हणून दिसणार आहे. या शोआधी एका पॉडकास्टमध्ये तिने बॉलीवूड अभिनेत्याबद्दल धक्कादायक खुलासा केला आहे. त्याचे अनेक कमी वयाच्या मुलीबरोबर संबंध आहेत. जाहरा जानीशी बोलताना तान्याने सांगितलं की एक लोकप्रिय बॉलीवूड अभिनेता आहे. त्याला लोक ‘ग्रीन फ्लॅग’ म्हणतात, आदर्श मानतात. त्याला मुलं देखील आहेत. त्या अभिनेत्याची पत्नी तान्याकडे आली होती. पतीचं अफेअर आहे का? हे तिला जाणून घ्यायचं होतं.

आदर्श प्रतिमा असलेला बॉलीवूड अभिनेता

तान्या पुरी म्हणाली, “मी एका केसबद्दल सांगते. एक अत्यंत आदर्श प्रतिमा असलेला बॉलीवूड अभिनेता आहे. तो खूप चांगला बाबा आणि फॅमिली मॅन म्हणून ओळखला जातो. एकदा त्याच्या पत्नीने आमच्या कंपनीशी संपर्क साधला. आम्ही तपास केला तेव्हा समजले की तो एका विशिष्ट प्रकारच्या फ्रँचायझी चित्रपटांमध्ये काम करतो. कामाच्या निमित्ताने तो आपल्यापेक्षा अर्ध्या वयाच्या मुलींच्या संपर्कात असायचा. प्रत्यक्षातही त्याचे अनेक मुलींशी संबंध होते, असंही तपासात उघड झालं.”

तान्याने खुलासा केला की, त्याचे पत्नीबरोबर कोणतेही संबंध नव्हते. दोघे एकत्र झोपतसुद्धा नव्हते. त्यांना दोन मुलं होती आणि एका-एका मुलाची काळजी घेण्यासाठी दोघे वेगवेगळ्या खोल्यांमध्ये झोपायचे. त्यांच्यात कसलेही शारीरिक संबंध नव्हते.

तान्या पुरीने बॉलीवूडमधील धक्कादायक वास्तवही सांगितली. सेलिब्रिटींसाठी नातं तोडणं सोपं नसतं. पत्नीला पतीच्या अफेअरबद्दल माहिती असूनही त्यांची लोकांमधील प्रतिमा चांगली राहावी, यासाठी त्या नातं तोडू शकत नाही, असं तान्याने नमूद केलं.