scorecardresearch

Premium

“सेटवर स्वच्छतागृह नव्हती अशावेळी झाडामागे…”, दिया मिर्झाने सांगितला इंडस्ट्रीत आलेला अनुभव, म्हणाली…

“लहान व्हॅनिटी व्हॅन, स्वच्छतागृह नव्हती अन्…”, दिया मिर्झाने बॉलीवूडमध्ये झालेल्या गैरसोयीबद्दल मांडलं मत, म्हणाली…

dia mirza shocking revealation about industry
दिया मिर्झाने सांगितला इंडस्ट्रीत आलेला अनुभव

अभिनेत्री दिया मिर्झाने २००१ मध्ये प्रदर्शित झालेल्या ‘रहना है तेरे दिल में’ या चित्रपटातून बॉलीवूडमध्ये पदार्पण केलं. या चित्रपटाचा आजच्या काळातही एक वेगळा चाहतावर्ग आहे. यानंतर दिया ‘दम’, ‘भीड’, ‘थप्पड’, ‘ब्लॅकमेल’, ‘दिवानापण’, ‘संजू’ अशा अनेक चित्रपटांमध्ये झळकली. परंतु, इंडस्ट्रीत नवीन असताना दियासाठी हा संपूर्ण प्रवास सोपा नव्हता. सुरुवातीला तिला अनेक अडचणींचा सामना करावा लागला होता. याविषयी दियाने ‘बीबीसी’ला दिलेल्या मुलाखतीत भाष्य केलं आहे.

दियाने साधारण २२ वर्षांपूर्वी बॉलीवूडमध्ये पदार्पण केलं होतं. तेव्हाचा काळ आणि इंडस्ट्रीत आज झालेले बदल यात प्रचंड फरक असल्याचं अभिनेत्रीने नुकत्याचं दिलेल्या मुलाखतीत सांगितलं. ती म्हणाली, “त्या काळात सेटवर जास्त स्त्रिया काम करत नव्हत्या. त्यामुळे आम्हाला काम करताना अनेक समस्यांचा सामना करावा लागत होता. आमच्या व्हॅनिटी व्हॅन प्रचंड लहान असायच्या. गाण्याचं किंवा चित्रपटातील एखादा सीन शूट करण्यासाठी आम्हाला विशिष्ठ एका परिसरात जावं लागायचं आणि त्याठिकाणी स्वच्छतागृहांची सुविधा नसायची. अशावेळी झाडांच्या किंवा खडकांच्या मागे जावं लागायचं. आमच्याबरोबर असणाऱ्या इतर तीन सहकारी महिला बाजूला चादर घेऊन उभ्या राहायच्या.”

Ankita lokhande mother reacted on Vicky jain party with girls
लेक घरी नसताना जावयाने गर्ल गँगसह केली पार्टी; अंकिता लोखंडेच्या आई म्हणाल्या, “विकीने त्या सर्वांना…”
when salman Khan reacted on Aishwarya Rai Abhishek Bachchan marriage see old video
“कोणत्याही एक्स बॉयफ्रेंडला…”, ऐश्वर्या रायने अभिषेक बच्चनशी लग्न केल्यावर सलमान खानने दिलेली ‘अशी’ प्रतिक्रिया
Woman Seeks Divorce Husband
मधुचंद्रासाठी पती गोव्याऐवजी अयोध्येला घेऊन गेला, संतापलेल्या पत्नीचा थेट घटस्फोटासाठी अर्ज
Blindfolded man identifies his wife by just touching her hand
याला म्हणतात खरं प्रेम! डोळ्यावर पट्टी बांधलेली असतानाही फक्त हाताला स्पर्श करताच ओळखलं बायकोला, व्हिडीओ होतोय व्हायरल

हेही वाचा : “महिला पोलिसांनी गाडी अडवली अन्…”, अमोल कोल्हेंनी सांगितला धक्कादायक अनुभव; म्हणाले, “ट्रिपल इंजिन…”

दिया पुढे म्हणाली, “स्वच्छतागृहचं नव्हे तर कपडे बदलताना सुद्धा गैरसोय व्हायची, अजिबात जागा नसायची. अशा परिस्थितीत महिलांचं खाजगी आयुष्य (प्रायव्हसी), वैयक्तिक स्वच्छता याबद्दलचे प्रश्न निर्माण व्हायचे. इंडस्ट्रीत एखादा पुरुष कलाकार सेटवर उशिराने आला, तर कोणीच एकही शब्द बोलायचं नाही. पण, जर एखाद्या महिला कलाकारामुळे शूटिंगला विलंब झाला, तर तिला अव्यावसायिक म्हणून संबोधलं जायचं. आता हळुहळू या सगळ्या परिस्थितीत बदल होताना पाहून समाधान वाटतं.”

हेही वाचा : Video : नव्या घरापाठोपाठ प्रार्थना बेहेरेने मुंबईत घेतलं नवीन ऑफिस, नवऱ्यासह जोडीने केली पूजा, पाहा व्हिडीओ

दरम्यान, दिया मिर्झाप्रमाणे यापूर्वी ज्येष्ठ अभिनेत्री आशा पारेख यांनी भारतीय चित्रपट महोत्सवात एएनआयशी बोलताना, तर जया बच्चन यांनी त्यांची नात नव्या नवेली नंदाच्या पॉडकास्टवर पूर्वीच्या काळात उद्भवणाऱ्या स्वच्छतागृहांच्या समस्येबद्दल सांगितलं होतं.

Latest Comment
View All Comments
Post Comment

मराठीतील सर्व बॉलीवूड बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Dia mirza shocking revealation about industry says lack of privacy and no washroom facility on sets sva 00

First published on: 03-12-2023 at 09:33 IST

संबंधित बातम्या

तुम्ही या बातम्या वाचल्या आहेत का? ×