Emergency Ban In Bangladesh : कंगना रणौत (Kangana Ranaut) यांच्या ‘इमर्जन्सी’ या चित्रपटावर बांगलादेशात बंदी घालण्यात आली असून, यामागील प्रमुख कारण म्हणून भारत आणि बांगलादेश यांच्यातील सध्याचे तणावपूर्ण राजकीय संबंध दर्शवण्यात आले आहेत. हा चित्रपट भारतात प्रदर्शित होणार असून, त्यात १९७५ मध्ये तत्कालीन पंतप्रधान इंदिरा गांधींनी जाहीर केलेल्या आणीबाणीच्या काळ दाखवण्यात आला आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

‘इंडियन एक्सप्रेस’ने यासंदर्भात सूत्राच्या हवाल्यानुसार एक वृत्त दिले आहे. एका सूत्राने सांगितले, “बांगलादेशात ‘इमर्जन्सी’ चित्रपटाच्या प्रदर्शनाला रोखण्याचा निर्णय सध्याच्या तणावपूर्ण भारत-बांगलादेश संबंधांशी जोडलेला आहे. हा निर्णय चित्रपटाच्या कथेविषयी कमी आणि दोन्ही देशांमधील राजकीय परिस्थितीमुळे अधिक संबंधित आहे.”

आणखी वाचा

हेही वाचा…बॉलीवूडच्या फ्लॉप हिरोच्या दुसऱ्या पत्नीने स्वीकारला इस्लाम धर्म, अभिनेत्यापेक्षा वयाने २६ वर्षांनी आहे लहान

‘इमर्जन्सी’ चित्रपटात भारताने १९७१ च्या बांगलादेश स्वातंत्र्य युद्धात घेतलेल्या भूमिकेवर प्रकाश टाकण्यात आला आहे. विशेषतः, शेख मुजीबुर रहमान (बांगलादेशाचे जनक) यांना भारताने दिलेल्या पाठिंब्याची कथा आणि बांगलादेशातील अतिरेकींनी त्यांची हत्या केल्याची घटनाही दाखवण्यात आली आहे, जी बंदीच्या निर्णयामागील महत्त्वाचे कारण मानले जात आहे.

‘इमर्जन्सी’ चित्रपटाच्या प्रदर्शनाला आधीच उशीर झाला आहे. हा चित्रपट ६ सप्टेंबर २०२४ रोजी भारतात प्रदर्शित होणार होता. मात्र, केंद्रीय चित्रपट प्रमाणन मंडळाकडून (CBFC/ सेन्सॉर बोर्डाकडून ) प्रमाणपत्र न मिळाल्यामुळे त्याच्या प्रदर्शनाला विलंब झाला. भारतीय कायद्यांनुसार, चित्रपटाच्या सार्वजनिक प्रदर्शनासाठी चित्रपटाला सेन्सॉर बोर्डाकडून(CBFC) मंजुरी मिळणे आवश्यक असते.

हेही वाचा…Video : ‘भूत बंगला’च्या सेटवर अक्षय कुमारने उडवली पतंग; तर परेश रावल यांनी धरली फिरकी, व्हायरल झाला व्हिडीओ

‘इमर्जन्सी’ चित्रपट विविध वादांत अडकल्याने चित्रपटाच्या प्रदर्शनाला उशीर झाला. सध्या हा चित्रपट भारतात १७ जानेवारी २०२४ रोजी प्रदर्शित होणार आहे.

हेही वाचा…आमिर खानच्या ‘त्या’ सिनेमाला युवराज सिंगच्या वडिलांनी म्हटले ‘अतिशय फालतू’; बॉलीवूड सिनेमांवरही केली टीका, म्हणाले…

‘इमर्जन्सी’ चित्रपटावर घालण्यात आलेली बंदी हा निर्णय भारत आणि बांगलादेश यांच्यातील राजकीय परिस्थितींमुळेच घेतला गेला असल्याचे सांगण्यात येत आहे. भारतातील अनेक चित्रपटांचे बांगलादेशात होणारे प्रदर्शन भारत आणि बांगलादेशातील राजकीय संबंधांतील चढ-उतारांमुळे अडचणीत आले आहेत. ‘पुष्पा २’ देखील बांगलादेशात प्रदर्शित झाला नव्हता असे काही अहवाल सांगतात. परंतु, ‘भूल भुलैया ३’ हा चित्रपट भारतात आणि बांगलादेशात एकाच दिवशी (१ नोव्हेंबर) प्रदर्शित झाला. ‘ढाका ट्रिब्युन’ने दिलेल्या वृत्तानुसार ऑक्टोबर २०२४ मध्ये राजकुमार राव आणि श्रद्धा कपूर यांच्या ‘स्त्री २’ चित्रपटाचा बांगलादेशातही प्रदर्शित झाला होता.