अभिनेत्री अमृता सुभाषने मराठीसह बॉलीवूड चित्रपटसृष्टीत स्वत:ची एक वेगळी ओळख निर्माण केली आहे. गेल्या काही वर्षांत तिने ‘लस्ट स्टोरीज’, ‘गली बॉय’, ‘शास्त्री विरुद्ध शास्त्री’ अशा एकापेक्षा एक दमदार बॉलीवूड चित्रपटांमध्ये काम केलं आहे. नुकत्याच पार पडलेल्या ६९ व्या फिल्मफेअर पुरस्कार सोहळ्याला अमृताने तिचे पती संदेश कुलकर्णींसह हजेरी लावली होती. याची खास पोस्ट अभिनेत्रीने इन्स्टाग्रामवर शेअर केली आहे.

बॉलीवूडमध्ये प्रतिष्ठित मानला जाणारा ६९ वा फिल्मफेअर पुरस्कार सोहळा २८ जानेवारीला गुजरातमध्ये पार पडला. अमृता सुभाषने या सोहळ्यासाठी खास गुजराती साडी नेसली होती. ही साडी अमृताला अभिनेत्री अश्विनी गिरीने गिफ्ट दिली होती. याशिवाय फिल्मफेअरमध्ये दिग्गज अभिनेत्री शबाना आझमी यांचा पुरस्कार देऊन सन्मान करण्याचा बहुमान अमृताला मिळाला. याबद्दल तिने खास पोस्ट शेअर करत आपला अनुभव सांगितला आहे.

Chhaya kadam Dance at cannes
“घराच्या अंगणात असल्यासारखं नाचत होत्या”, Cannes मधील डान्सवर टिप्पणी करणाऱ्याला छाया कदम म्हणाल्या…
Chhaya Kadam Nagraj manjule friendship
“नागराजसारखा माणूस मित्र म्हणून आयुष्यात असावा, कारण…”; अभिनेत्री छाया कदम यांचे वक्तव्य
kan award
पायल कपाडियाची ऐतिहासिक कामगिरी; ‘कान’मध्ये ‘ऑल वी इमॅजिन ॲज लाईट’ला ‘ग्रां प्री’ पुरस्कार
cannes 2024 payal kapadia makes history with cannes grand prix win
Cannes मध्ये ३० वर्षांनंतर भारतीय चित्रपटाचा ‘ग्रँड प्रिक्स’ पुरस्काराने सन्मान! मराठमोळ्या छाया कदम यांचं सर्वत्र होतंय कौतुक
thane advait nadavdekar marathi news, advait nadavdekar painting marathi news
ठाणेकर अद्वैत नादावडेकरच्या कुंचल्यातून साकारली पंतप्रधानांची भेट, तैलचित्र ठरले लक्षवेधी
9th anniversary of Manachi organization
‘मानाचि’ संघटनेचा ९ वा वर्धापनदिन दिमाखात
Marathi actor Prasad Oak expressed a clear opinion about Marathi films not getting prime time shows
“शिंदे सरकारच मल्टीप्लेक्सवाल्यांचा माज उतरवेल”, मराठी चित्रपटांना प्राइम टाइम शो न मिळण्याबाबत प्रसाद ओकचं वक्तव्य, म्हणाला…
prasad oak shared his first national award memories
“राष्ट्रीय पुरस्कार मिळाला पण, दुसरीकडे माझं घर विकलं”, प्रसाद ओकने पहिल्यांदाच केला खुलासा; म्हणाला, “बँकेचे हप्ते, कर्ज…”

अमृता सुभाष लिहिते, “लहान असताना जेव्हा शबानजींची अनेक कामं डोळ्यात प्राण आणून पाहिली, ज्याचं मंडीमधलं पात्र पाहून, त्यात त्यांनी घेतलेला बोलण्याचा लहेजा, त्या भूमिकेसाठी त्यांनी वाढवलेलं वजन, बदललेली देहबोली हे पाहून मी थक्क झाले होते. त्यांना पुरस्कार देण्याची मोलाची संधी फिल्मफेअरनं मला दिली याबद्दल मी कृतज्ञ आहे.”

हेही वाचा : ‘पठाण’अगोदर शाहरुखने चार वर्षांचा ब्रेक का घेतला होता? कारण सांगत अभिनेता म्हणाला, “गेली ३३ वर्ष…”

“जी स्वप्नं आपण पाहतो ती सत्यात उतरली की किती आनंद होतो, पण ज्याची आपण स्वप्नातही कल्पना केली नव्हती ते जेव्हा असं सत्यात उतरतं तेव्हा शब्द मुके होऊन जातात. त्या शब्दातीत अनुभवाला शब्दात पकडण्याचा प्रयत्न मी त्या प्रसंगी जे बोलले त्यात केला. या प्रसंगी मी नेसलेली ही साडी माझी मैत्रीण आणि एक सच्ची कलाकार अश्विनी गिरीनं मला भेट दिली आहे. अश्विनी राष्ट्रीय नाट्य विद्यालयातील माझी सिनिअर. तिनं माझ्या कामाचं कौतुक म्हणून दिलेली ही साडी या सुंदर प्रसंगी नेसता आली याचा आनंद वेगळाच! कार्यक्रम गुजरात मध्ये होता म्हणून खास गुजराती स्टाइल मध्ये!” असं अमृताने तिच्या पोस्टमध्ये म्हटलं आहे.

हेही वाचा : “गांधीजींनी एका हिंदू भजनात ‘ईश्वर अल्लाह तेरो नाम’ हे शब्द टाकून…”, विवेक अग्निहोत्रींची पोस्ट; म्हणाले, “त्यांचे शेवटचे शब्द…”

दरम्यान, अमृता सुभाषने शेअर केलेल्या पोस्टवर असंख्य नेटकऱ्यांनी कमेंट्स पाऊस पाडला आहे. अभिनेत्रीने मराठीसह बॉलीवूडमध्ये ओळख निर्माण केल्याने सध्या तिच्यावर कौतुकाचा वर्षाव करण्यात येत आहे.