Kal Ho Naa Ho Re-Release: बॉलीवूडचा किंग खान याचे लाखो चाहते आहेत. शाहरुखचा प्रत्येक चित्रपट चाहते डोक्यावर उचलून घेतात. शाहरुखने गेल्या काही वर्षांत बॉलीवूडला एकापेक्षा एक सुपरहिट चित्रपट दिले आहेत. त्यात अॅक्शन आणि थ्रिलर चित्रपटांसह अनेक कॉमेडी आणि रोमँटिक चित्रपटांची मेजवानी प्रेक्षकांना मिळाली आहे. अशात काही दिवसांपासून टॉलीवूडसह बॉलीवूडमध्येदेखील ९० च्या काळात प्रदर्शित झालेले चित्रपट पुन्हा एकदा प्रदर्शित केले जात आहेत. त्यामध्ये शाहरुखचा प्रचंड गाजलेला एक चित्रपट प्रेक्षकांच्या भेटीला येणार आहे.
साल २००३ मध्ये ‘कल हो ना हो’ चित्रपट प्रेक्षकांच्या भेटीला आला होता. या चित्रपटात शाहरुख खान, प्रीती झिंटा व सैफ अली खान अशी तगडी स्टारकास्ट होती. त्या काळी हा चित्रपट इतका गाजला की, ८६० दशलक्षांची कमाई ‘कल हो ना हो’ने केली होती. त्यामुळे आता निर्मात्यांनी पुन्हा एकदा हा चित्रपट प्रदर्शित करण्याचा निर्णय घेतला आहे.
हेही वाचा : ‘महाराष्ट्राची हास्यजत्रा’मध्ये प्रेक्षकांना खळखळून हसवणाऱ्या ‘या’ अभिनेत्रीला ओळखलंत का?
केव्हा प्रदर्शित होणार?
‘कल हो ना हो’ चित्रपट याच महिन्यात १५ नोव्हेंबर रोजी म्हणजे अगदी उद्याच पुन्हा एकदा प्रेक्षकांच्या भेटीला येत आहे. धर्मा प्रॉडक्शनच्या ऑफिशियल इन्स्टाग्राम अकाउंटवर याबाबत एक पोस्ट शेअर करण्यात आली आहे. त्यामध्ये “लाल अब सबके दिल का हाल है, होनेवाला अब कमाल है! ‘कल हो ना हो’,” अशी कॅप्शन पोस्टला देण्यात आली आहे.
पोस्टर आल्यानंतर सर्व चाहत्यांनी आनंद व्यक्त केला. एका युजरने यावर कमेंटमध्ये लिहिले, “शेवटी माझ्या आवडत्या चित्रपटांपैकी एक चित्रपट आता पुन्हा एकदा रुपेरी पडद्यावर येणार आहे.” तर आणखी एकाने, “कल हो ना हो हा चित्रपट पुन्हा प्रदर्शित होणार हे ऐकून मला फार आनंद झाला. माझा आनंद शब्दांत व्यक्त करणे कठीण आहे,” अशी कमेंट केली आहे.
हेही वाचा : रणवीर सिंहला ऑफिसमध्ये ३ तास वाट का पाहायला लावली? मुकेश खन्ना म्हणाले, “मी त्याला थांबायला भाग…”
नैना आणि अमनची लव्ह स्टोरी
‘कल हो ना हो’ चित्रपटात शाहरुख खान, प्रीती झिंटा व सैफ अली खान मुख्य भूमिकांत आहेत. त्यात शाहरुखने अमनची भूमिका साकारली आहे; तर प्रीतीने नैना हे पात्र साकारले आहे. तसेच सैफने या चित्रपटात रोहित नावाचे पात्र साकारले आहे. या चित्रपटामध्ये अमन आणि नैना दोघांची प्रेमकहाणी पाहायला मिळते; मात्र हे प्रेम अर्धवट राहते. त्यात सैफनेदेखील दमदार अभिनय केला आहे.
