बॉलिवूड निर्माता आणि दिग्दर्शक करण जोहर हा त्याच्या हटके फॅशनमुळे सोशल मीडियावर कायम चर्चेत असतो. याबरोबरच तो त्याच्या ‘कॉफी विथ करण’ या लोकप्रिय टॉक शोसाठी प्रचंड लोकप्रिय आहे. करणच्या या टॉक शोवर वेगवेगळे बॉलिवूड सेलिब्रिटीज हजेरी लावतात आणि धमाल गप्पा आणि गॉसिप करतात. त्याचा हा शो प्रथम टेलिव्हिजनवरही यायचा, पण गेल्याच वर्षी आलेल्या सीझनपासून करणने हा शो फक्त ओटीटीवर येणार असल्याचं जाहीर केलं.

या बातमीसह सर्व प्रीमियम कंटेंट वाचण्यासाठी साइन-इन करा

इतर सीझनप्रमाणेच ‘कॉफी विथ करण सीझन ७’सुद्धा गॉसिप्सनी भरलेला होता. विकी कौशल, सिद्धार्थ मल्होत्रा, समांथा रूथ प्रभू, अक्षय कुमार, कतरिना कैफ, अशा कित्येक सेलिब्रिटीजनी या सीझनमध्ये हजेरी लावली. आता ‘कॉफी विथ करण’च्या पुढच्या सीझनची जबरदस्त चर्चा सुरू झाली आहे. ‘बॉलिवूड हंगामा’च्या रीपोर्टनुसार लवकरच ‘कॉफी विथ करण’चा सीझन ८ प्रेक्षकांच्या भेटीला येणार आहे.

आणखी वाचा : Bholaa Movie leaked : अजय देवगणची चिंता वाढली; प्रदर्शनाच्या पहिल्याच दिवशी ‘भोला’ झाला लीक

यावर्षी ऑगस्ट किंवा सप्टेंबर महिन्यात हा टॉक शो पुन्हा येणार असल्याची शक्यता वर्तवली जात आहे. इतकंच नव्हे तर या सीझन ८ मध्ये मोठमोठे सेलिब्रिटी हजेरी लावणार असल्याची शक्यता आहे. गेल्या सीझनमध्ये शाहरुख खानच्या गैरहजेरीमुळे बरेच चाहते नाराज झाले होते, पण या नव्या सीझनमध्ये शाहरुख दिसणार असून ‘पठाण’च्या घवघवीत यशाबद्दल तो बोलणार आहे.

‘बॉलिवूड हंगामा’च्या वृत्तानुसार गेल्यावर्षी बॉक्स ऑफिसवर धुमाकूळ घालणाऱ्या दाक्षिणात्य कलाकारांनाही करण जोहर या कार्यक्रमात बोलवणार आहे. केजीएफ स्टार यश. अल्लू अर्जुन आणि रिषभ शेट्टी हेसुद्धा या टॉक शोचा हिस्सा असणार असल्याचं सांगितलं जात आहे. अद्याप करणने याबाबतीत कोणतंही वक्तव्य किंवा अधिकृत घोषणा केलेली नाही. लवकरच करण जोहर दिग्दर्शक म्हणून कमबॅक करणार आहे. त्याचा ‘रॉकी और रानी की प्रेम कहानी’ हा चित्रपट प्रदर्शनासाठी सज्ज आहे. २८ जुलैला हा चित्रपट मोठ्या पडद्यावर दाखल होणार आहे.

मराठीतील सर्व बॉलीवूड बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Karan johar planning for new season of coffee with karan with shahrukh khan and allu arjun avn
First published on: 30-03-2023 at 17:35 IST